കേരള ജനത ചുമക്കുന്ന വിഴുപ്പു ഭാണ്ഡമായി ഉമ്മന് ചാണ്ടി മാറിയെന്ന് പിണറായി, അഴിമതിക്കാരായ മുഖ്യമന്ത്രിയോടും ആര്യാടനോടും മാറി നില്ക്കാന് കോണ്ഗ്രസ് പറയണം
കേരള ജനത ചുമക്കുന്ന വിഴുപ്പു ഭാണ്ഡമായി ഉമ്മന് ചാണ്ടി മാറിയെന്ന് പിണറായി വിജയന്. ഇത്രമാത്രം ജീര്ണത ബാധിച്ചയാള് മുഖ്യമന്ത്രിയായിരിക്കുന്നത് കേരളത്തിന് അപമാനമാണെന്ന് സിപിഎം പൊളിറ്റ് ബ്യൂറോ അംഗം പിണറായി വിജയന് പറഞ്ഞു . പുറത്തിറങ്ങാന് കഴിയാത്ത മുഖ്യമന്ത്രി എന്ന സ്ഥാനപ്പേര് ഉമ്മന് ചാണ്ടിക്ക് കിട്ടി. അഴിമതിക്കാരായ മുഖ്യമന്ത്രിയോടും ആര്യാടനോടും മാറി നില്ക്കാന് കോണ്ഗ്രസ് പറയണം. ഉമ്മന് ചാണ്ടി ഭരണത്തില് സമസ്ത മേഖലകളും തകര്ന്നു. കാര്ഷിക-വിദ്യാഭ്യാസ-വ്യവസായ മേഖലയടക്കം സമ്പൂര്ണ തകര്ച്ചയിലാണെന്നും പിണറായി പറഞ്ഞു.
നവകേരള മാര്ച്ചിന്റെ സമാപന സമ്മേളനത്തില് സംസാരിക്കുകയായിരുന്നു അദ്ദേഹം. മകന് കേന്ദ്രത്തില് കസേര ഉറപ്പിച്ചാണ് വെള്ളാപ്പള്ളി പുതിയ പാര്ട്ടി ഉണ്ടാക്കിയത്. എന്നാല് ഇവരുടെ കയ്യില് ഒന്നുമില്ലെന്ന് കസേര കൊടുക്കേണ്ടവര്ക്ക് മനസ്സിലായി. കേന്ദ്രത്തില് കസേര കിട്ടാത്തതിന്റെ ക്ഷീണത്തിലാണ് ഇപ്പോള് ബിഡിജെഎസ്. തിരഞ്ഞെടുപ്പില് ഒറ്റ സീറ്റിലും ബിജെപി പച്ച തൊടില്ലെന്ന് ആര്എസ്എസിന് മനസ്സിലായെന്നും പിണറായി പറഞ്ഞു. മദ്യാസക്തിക്കെതിരെ ബോധവല്ക്കരണം വേണം. മദ്യനിരോധനം ആപത്തേ ഉണ്ടാക്കിയിട്ടുള്ളൂ. മദ്യനിരോധനം നടപ്പിലാക്കിയപ്പോള് കള്ളവാറ്റ് വ്യാപകമായി. അനവസരത്തില് എന്തിന് ഇടതുമുന്നണിയുടെ മദ്യനയം പ്രഖ്യാപിക്കണം. മദ്യനയം പ്രഖ്യാപിക്കേണ്ട സമയത്ത് പ്രഖ്യാപിക്കാം. മദ്യ നിരോധനത്തോട് സിപിഎമ്മിന് യോജിപ്പില്ല. മദ്യാസക്തി കുറച്ച് മദ്യ വര്ജനമാണ് ലക്ഷ്യം. മദ്യ ഉപഭോഗം കുറയണമെന്നാണ് സിപിഎം നിലപാടെന്നും പിണറായി വ്യക്തമാക്കി.
വിദേശ സര്വകലാശാലകളോട് അലര്ജി ഇല്ല. വിദ്യാഭ്യാസ മേഖല കച്ചവട രംഗമാക്കരുത്. നിലവിലെ സര്വകലാശാലകളെ മികവിന്റെ കേന്ദ്രങ്ങളാക്കണം. അതിനു ശേഷമാകണം വിദേശസര്വകലാശാലകളുമായി ബന്ധം സ്ഥാപിക്കേണ്ടത്. അഴിമതി വിമുക്ത കേരളമാണ് നവകേരളയാത്രയിലൂടെ ലക്ഷ്യമിട്ടതെന്നും പിണറായി അഭിപ്രായപ്പെട്ടു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
