തുഷാറിന് ഇപ്പോഴും പ്രതീക്ഷ ബിജെപിയില്, സുഭാഷ് വാസുവല്ല താനാണ് ബിജെഡിഎസിന്റെ പ്രസിഡന്റെന്ന് തുഷാര്വെള്ളാപ്പള്ളി
തുഷാര് വെള്ളാപ്പള്ളിക്ക് ഇപ്പോഴും ബിജെപിയില് പ്രതീക്ഷയുണ്ട്. കാരണം തെരഞ്ഞെടുപ്പ് അടുക്കുബോള് തന്റെ മോഹം ഒന്നും കൂടി മോഡിയോട് പറയാം.. ആ പഴയ കേന്ദ്ര മന്ത്രി സ്ഥാനം. അത് തന്നാല് കേരളത്തില് താമരവിരിയും. അല്ലങ്കില് താമരയൊഴിച്ച് പലതും വിരിയും. ഇതാണെ ഇപ്പോഴും ബിജെപി നേതാക്കള്ക്ക് തുഷാര് വെള്ളാപ്പള്ളി നല്കുന്ന മുന്നറിയിപ്പ്. അച്ഛനെ തുഷാര്വെള്ളാപ്പള്ളിക്ക് ഇപ്പോള് വിശ്വാസമില്ലാതായെന്നാണ് ആരോപണം. മൈക്രോഫിനാന്സ് അഴിമതിയില് അകത്ത് പോകുമോ എന്ന ഭയം വെള്ളാപ്പള്ളിക്ക് ഉണ്ട്. അത് കൊണ്ട് തന്നെയാണ് വെള്ളാപ്പള്ളി ഇടതു വലതു മുന്നണികളില് തന്റെ പുതിയ ബിജെഡിഎസ് പാര്ട്ടിയുമായി മുട്ടി നോല്ക്കുന്നത്.
കഴിഞ്ഞ ദിവസം പിണറായി വിജയന്റെ കേരള രക്ഷാമാര്ച്ചിന്റെ സമാപന സമ്മേളനത്തിലാണ് പ്രതിപക്ഷ നേതാവും ഇപ്പോള് വെള്ളാപ്പള്ളിയുടെ അടുത്ത ശത്രുവുമായ അച്യുതാന്ദന് ബിജെഡിഎസിനെതിരെ വെടിപൊട്ടിച്ചത്. തുഷാര്വെള്ളാപ്പള്ളിയല്ല ബിജെഡിഎസ് പ്രസിഡന്റ് എന്നും തുഷാറിന് ഇമ്മിണി വരുമാനമുള്ളതുകൊണ്ട് സുഭാഷ് വാസുവിനെ പ്രസിഡന്റായി നിയമിച്ചിരിക്കുകയാണെന്നുമാണ് വിഎസ് പറഞ്ഞത്. എന്നാല് അത് വീണ്ടും തുഷാര് തിരുത്തി.താന് ഇപ്പോഴും ബി.ഡി.ജെ.എസിന്റെ അധ്യക്ഷനാണെന്നാണ് തുഷാര് പറയുന്നത്. സമത്വ മുന്നേറ്റ യാത്ര നടക്കുന്നതിനിടെ പാര്ട്ടിയുടെ രജിസ്ട്രേഷനുവേണ്ടിയാണ് പത്രപരസ്യം നല്കിയത്. ഈ സമയം പാര്ട്ടിയുമായി ബന്ധപ്പെട്ട കാര്യങ്ങള് നോക്കിയത് സുഭാഷ് വാസുമാണ്. അതിനാലാണ് അദ്ദേഹത്തിന്റെ പേര് പത്രപരസ്യത്തില് വന്നതെന്ന് തുഷാര് വ്യക്തമാക്കി.
എന്നാല് രാഷ്ട്രീയ പാര്ട്ടി വിഷയത്തില് വെള്ളാപ്പള്ളി നടേശനെ തിരുത്തി തുഷാര് വെള്ളാപ്പള്ളി രംഗത്തെത്തിയിട്ടുണ്ട്. ഇടതുവലതു മുന്നണികളുമായി രഹസ്യമായോ പരസ്യമായോ ചര്ച്ച നടത്തിയിട്ടില്ലെന്ന് തുഷാര് വെള്ളാപ്പള്ളി പറഞ്ഞു. തിരഞ്ഞെടുപ്പുമായി ബന്ധപ്പെട്ട് ഇരു മുന്നണികളുമായും ചര്ച്ച നടത്തിയെന്ന് വെള്ളാപ്പള്ളി നടേശന് കഴിഞ്ഞ ദിവസം പറഞ്ഞിരുന്നു. മാത്രമല്ല അവസരവാദ രാഷ്ട്രീയമാണ് ഭാരതീയ ധര്മ ജന സേവ പാര്ട്ടി (ബി.ഡി.ജെ.എസ്)യുടെതെന്നും വെള്ളാപ്പള്ളി അവകാശപ്പെട്ടു.
ഈ രണ്ട് കാര്യങ്ങളെയാണ് തുഷാര് ഇപ്പോള് തള്ളിയത്. ആദര്ശം വിട്ടുകൊണ്ടുള്ള പ്രവര്ത്തനങ്ങള്ക്ക് ബി.ഡി.ജെ.എസ്. തയ്യാറെല്ലെന്ന് തുഷാര് പറഞ്ഞു. ബിജെപിയുമായി ചില കാര്യങ്ങള് ചര്ച്ച ചെയ്തിട്ടുണ്ടെന്ന് അദ്ദേഹം സമ്മതിച്ചു. ആര്ക്കും ഒരു മുന്നണിയുടെ ഭാഗമാകുമെന്ന ഉറപ്പും ബി.ഡി.ജെ.എസ്. നല്കിയിട്ടില്ല. പാര്ലമെന്ററി വ്യാമോഹം ഇപ്പോഴില്ല. പാര്ട്ടി വളര്ത്തുകയാണ് ലക്ഷ്യം.വരുന്ന നിയമസഭ തിരഞ്ഞെടുപ്പില് അഞ്ച് ശതമാനം സീറ്റില് മല്സരിക്കാന് സാധ്യതയുണ്ട്. എസ്.എന്.ഡി.പി. യോഗം ജനറല് സെക്രട്ടറി വെള്ളാപ്പള്ളി നടേശന് പാര്ട്ടിയില് ഇടപെടാറില്ല. പാര്ട്ടി ചിഹ്നം ലഭിക്കുന്നതിനായി അഞ്ചുശതമാനം സീറ്റുകളില് മത്സരിക്കേണ്ടതായി വരും. ബിജെപിയോട് കേന്ദ്രമന്ത്രി സ്ഥാനം ആവശ്യപ്പെട്ടിട്ടില്ലെന്നും, മന്ത്രിയോ, എംഎല്എയോ ആകുവാന് പോലും താനില്ലെന്നും തുഷാര് വിശദമാക്കി. പാര്ലമെന്ററി മോഹങ്ങളല്ല,ഇപ്പോള് പാര്ട്ടി വളര്ത്തുക എന്ന മോഹമാണ് തങ്ങള്ക്കുള്ളതെന്നും തുഷാര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
