മുഖ്യമന്ത്രി പിണറായി വിജയനുമായി ഇതുവരെ തനിക്ക് നല്ല ബന്ധമാണ് ഉള്ളതെന്ന് ഗവര്ണര് രാജേന്ദ്ര വിശ്വനാഥ് ആര്ലേക്കര്...

മുഖ്യമന്ത്രി പിണറായി വിജയനുമായി ഇതുവരെ തനിക്ക് നല്ല ബന്ധമാണ് ഉള്ളതെന്ന് ഗവര്ണര് രാജേന്ദ്ര വിശ്വനാഥ് ആര്ലേക്കര്. മുഖ്യമന്ത്രിയുമായി തനിക്ക് അഭിപ്രായഭിന്നതകളൊന്നുമുണ്ടായിട്ടില്ല. വിവിധ പ്രശ്നങ്ങള് ഞങ്ങള് ചര്ച്ച ചെയ്ത് പരിഹരിച്ചിട്ടുണ്ട്. ഒരു ടേബിളിന് അപ്പുറവും ഇപ്പുറവും ഇരുന്ന് സംസാരിച്ചാല് പല പ്രശ്നങ്ങളും ഇല്ലാതാകുമെന്നും അദ്ദേഹം പറഞ്ഞു.
മുന് കേരള ഗവര്ണര് ആരിഫ് മുഹമ്മദ് ഖാനും പിണറായിയും തമ്മിലുള്ള പ്രശ്നങ്ങള് ചൂണ്ടിക്കാണിച്ചപ്പോള് ഒരു കൈയടിച്ചാല് മാത്രം ശബ്ദം ഉണ്ടാവില്ലെന്നായിരുന്നു ഗവര്ണറുടെ മറുപടി.
രണ്ട് മൂന്ന് തവണ പിണറായിയുമായി ദീര്ഘമായ ചര്ച്ചകള് നടത്തിയിട്ടുണ്ട്. സംസ്ഥാനത്തെ സംബന്ധിച്ച് കാഴ്ചപ്പാടുള്ള നേതാവ് പിണറായി വിജയനെന്നും അദ്ദേഹം പറഞ്ഞു.
സംസ്ഥാനത്തിന്റെ ഭരണത്തിന്റെ നേതൃത്വം വഹിക്കുന്നവര്ക്കെല്ലാം ഒരു കാഴ്ചപ്പാടുണ്ടാകും. ഇത്തരത്തില് കാഴ്ചപ്പാടുള്ള നേതാവാണ് പിണറായി വിജയന്. ഇതിനെ കുറിച്ച് പറയുന്നതില് തെറ്റൊന്നുമില്ല. എന്നാല്, ഇത് എങ്ങനെ പ്രാബല്യത്തിലാക്കുന്നുവെന്നതിലാണ് കാര്യമെന്നും ആര്ലേക്കര് .
ഗവര്ണര്മാര് ബില്ലുകള് പിടിച്ചുവെക്കുന്നതിനെതിരെ സുപ്രീംകോടതിയുടെ സുപ്രാധ ഉത്തരവിലും അദ്ദേഹം പ്രതികരണം നടത്തി.
ഗവര്ണര് ബില്ലുകള് തീര്പ്പാക്കാതെ പിടിച്ചുവെക്കരുതെന്ന് സുപ്രീംകോടതി പറയുന്നത് മനസിലാക്കാം. എന്നാല്, നിശ്ചിതകാലയളവിനുള്ളില് ബില്ലുകള് തീര്പ്പാക്കണമെന്ന് ഭരണഘടനയില് ഒരിടത്തും പറയുന്നില്ലെന്നും അദ്ദേഹം പറഞ്ഞു. ഇതുമായി ബന്ധപ്പെട്ട കേസ് കേട്ട ബെഞ്ച് ഹര്ജികള് ഭരണഘടന ബെഞ്ചിന് വിടുകയാണ് വേണ്ടത്. ഇതൊരു ഭരണഘടന വിഷയമാണെന്നും ഗവര്ണര് പറയുകയുംചെയ്തു.
"
https://www.facebook.com/Malayalivartha
























