മാസങ്ങളായി അടഞ്ഞുകിടക്കുന്ന വീടിന്റെ വാട്ടർ ടാങ്കിൽ അയൽവീട്ടിലെ വേലക്കാരിയുടെ മൃതദേഹം ; ആമയെ വളർത്തുന്ന ടാങ്കിലാണ് മൃതദേഹം കണ്ടെത്തിയത്

മലപ്പുറം വളാഞ്ചേരി അത്തിപ്പറ്റയില് ആള്ത്താമസമില്ലാത്ത വീട്ടിലെ വാട്ടര്ടാങ്കില് അയൽവീട്ടിലെ വേലക്കാരിയുടെ മൃതദേഹം കണ്ടെത്തിയ സംഭവത്തിൽ കൂടുതൽ വിവരങ്ങൾ പുറത്ത്. വാട്ടര്ടാങ്കില് കണ്ടെത്തിയ മൃതദേഹം അത്തിപ്പറ്റ സ്വദേശിനിയായ ഫാത്തിമയുടേതാണെന്ന് പൊലീസ് സ്ഥിരീകരിച്ചു.
മൃതദേഹം കണ്ടെത്തിയ വീടിനു സമീപത്തെ മറ്റൊരു വീട്ടിലെ ജോലിക്കാരിയാണ് മരിച്ച ഫാത്തിമ. മരണകാരണം സംബന്ധിച്ച് അവ്യക്തത തുടരുകയാണ്. വീട്ടുകാർ വിദേശത്തായതിനാൽ മാസങ്ങളായി അടഞ്ഞുകിടക്കുകയാണ് ഈ വീട് .
വീടിനു പിൻവശത്തെ വാട്ടർ ടാങ്കിലാണു മൃതദേഹം കണ്ടെത്തിയത്. വീട്ടിൽ സെക്യൂരിറ്റി ജീവനക്കാരൻ മാത്രമാണ് ഉണ്ടായിരുന്നത്. ഒഴിഞ്ഞ ടാങ്കിൽ ആമയെ വളർത്തുന്നുണ്ട്. ഇതിനു തീറ്റ കൊടുക്കാൻ വന്ന ജോലിക്കാരാണു മൃതദേഹം കണ്ടത്.
https://www.facebook.com/Malayalivartha
























