മാളയില് മദ്യപിച്ച് വാഹനമോടിച്ച് അപകടമുണ്ടാക്കിയ പൊലീസ് ഉദ്യോഗസ്ഥന് സസ്പെന്ഷന്

തൃശ്ശൂര് മാളയില് മദ്യപിച്ച് വാഹനമോടിച്ച് അപകടമുണ്ടാക്കിയ പൊലീസ് ഉദ്യോഗസ്ഥന് സസ്പെന്ഷന്. ചാലക്കുടി ഹൈവേ പൊലീസിലെ ഡ്രൈവറായ അനുരാജ് പി പിയെയാണ് സസ്പെന്ഡ് ചെയ്തത്. തൃശ്ശൂര് റൂറല് ജില്ലാ പൊലീസ് മേധാവി ബി കൃഷ്ണകുമാര് IPS ആണ് ഇതുമായി ബന്ധപ്പെട്ട ഉത്തരവിറക്കിയിട്ടുള്ളത്. ഇന്നലെ രാത്രിയായിരുന്നു സംഭവം.
മദ്യലഹരിയില് അനുരാജ് കാറുമായി അമിതവേഗത്തില് ഓടിച്ചുപോകുകയായിരുന്നു. ഇതിനിടെ കാര് സ്കൂട്ടറിലും മറ്റൊരു കാറിലും ഇടിച്ചു. ഇതിന് ശേഷവും ഇയാള് കാര് നിര്ത്താന് തയ്യാറായില്ല. പിന്നാലെ മേലടൂരില് വെച്ച് കാര് പോസ്റ്റില് ഇടിച്ച് തല കീഴായി മറിയുകയായിരുന്നു. ഇതോടെ നാട്ടുകാര് അനുരാജിനെ തടഞ്ഞുവെച്ച് മാള പൊലീസില് വിവരം അറിയിച്ചു. സ്ഥലത്തെത്തിയ മാള പൊലീസ് അനുരാജിനെ കസ്റ്റഡിയില് എടുത്തു.
https://www.facebook.com/Malayalivartha
























