സാമൂഹ്യ, ക്ഷേമ പെന്ഷനുകളുടെ കുടിശികയില് ഒരു ഗഡുകൂടി അനുവദിക്കാന് സര്ക്കാര് തീരുമാനം

സാമൂഹ്യ, ക്ഷേമ പെന്ഷനുകളുടെ കുടിശികയില് ഒരു ഗഡുകൂടി അനുവദിക്കാന് സര്ക്കാര് തീരുമാനിച്ചു. മെയ് മാസത്തെ പെന്ഷനൊപ്പം ഒരു ഗഡു കുടിശിക കൂടി നല്കാനായി നിര്ദേശിച്ചതായി ധനമന്ത്രി കെ എന് ബാലഗോപാല് .
അടുത്ത മാസം പകുതിക്കുശേഷം പെന്ഷന് വിതരണം തുടങ്ങാനാണ് നിര്ദേശമുള്ളത്. ഇതിനായി 1800 കോടി രൂപയോളം വേണ്ടിവരും. ഒരോ ഗുണഭോക്താവിനും 3,200 രൂപവീതം ലഭ്യമാകും.
അഞ്ചു ഗഡുക്കളാണ് കുടിശികയായത്. അവ സമയബന്ധിതമായി വിതരണം ചെയ്യുമെന്ന് മുഖ്യമന്ത്രി നിയമസഭയില് അറിയിച്ചിരുന്നു. അതില് രണ്ടു ഗഡു കഴിഞ്ഞ സാമ്പത്തിക വര്ഷം തന്നെ വിതരണം ചെയ്തു. ബാക്കി മൂന്നു ഗഡുക്കള് ഈ സാമ്പത്തിക വര്ഷം നല്കാനാണ് നിശ്ചയിച്ചിട്ടുള്ളത്.
അതില് ഒരു ഗഡുവാണ് ഇപ്പോള് അനുവദിക്കുന്നത്. 62 ലക്ഷത്തോളം പേര്ക്കാണ് ക്ഷേമ പെന്ഷന് ലഭിക്കുന്നത്. ഏപ്രിലിലെ പെന്ഷന് വിഷുവിന് മുന്നോടിയായി വിതരണം ചെയ്തിരുന്നു.
https://www.facebook.com/Malayalivartha

























