സംസ്ഥാനത്ത് രണ്ടിടങ്ങളിലായി രണ്ട് സ്കൂൾ വിദ്യാർത്ഥികളെ വീടിനുള്ളിൽ മരിച്ച നിലയിൽ കണ്ടെത്തി... അമ്മ വഴക്കുപറഞ്ഞതിലുള്ള മനോവിഷമമാണ് ജീവനൊടുക്കാൻ കാരണം..

കളിച്ചും ചിരിച്ചും ഭാവിയെക്കുറിച്ച് വലിയ സ്വപ്നങ്ങൾ കണ്ടും വളരേണ്ട കുട്ടികളും കൗമാരക്കാരും ജീവിതം അവസാനിപ്പിക്കുന്ന പ്രവണത ഇന്ന് സമൂഹത്തിൽ വർദ്ധിച്ചുവരികയാണ്. ഏതൊരു സമൂഹത്തിന്റെയും ഏറ്റവും വലിയ സമ്പത്തായ യുവതലമുറ ഇത്തരത്തിൽ കടുത്ത മാനസിക സമ്മർദ്ദങ്ങൾക്ക് അടിപ്പെട്ട് ജീവനൊടുക്കുന്നത് അതീവ ഗൗരവത്തോടെ കാണേണ്ട സാമൂഹിക-ആരോഗ്യ പ്രശ്നമാണ്. നിസ്സാരമെന്ന് നാം കരുതുന്ന പല കാര്യങ്ങളും കുട്ടികളുടെ മനസ്സിൽ വലിയ ആഘാതങ്ങൾ സൃഷ്ടിക്കാറുണ്ട്.തിരുവനന്തപുരം സംസ്ഥാനത്ത് രണ്ടിടങ്ങളിലായി രണ്ട് സ്കൂൾ വിദ്യാർത്ഥികളെ വീടിനുള്ളിൽ മരിച്ച നിലയിൽ കണ്ടെത്തി.
കൊല്ലം നെടുമൺകാവിലും തിരുവനന്തപുരം കല്ലമ്പലത്തുമാണ് ദാരുണമായ സംഭവങ്ങളുണ്ടായത്.കൊല്ലം നെടുമൺകാവ് സൊസൈറ്റി മുക്കിൽ അനിൽകുമാർ - രേഷ്മ ദമ്പതികളുടെ മകൻ ദേവദർശിനെയാണ് (11) വീട്ടിൽ തൂങ്ങിമരിച്ച നിലയിൽ കണ്ടെത്തിയത്. കെഎൻഎസ് സെൻട്രൽ സ്കൂളിലെ ആറാം ക്ലാസ് വിദ്യാർത്ഥിയാണ്. ഇന്നലെ വൈകിട്ടോടെ കിടപ്പുമുറിയിലാണ് മൃതദേഹം കണ്ടെത്തിയത്. പരീക്ഷയിൽ മാർക്ക് കുറഞ്ഞ വിവരം അദ്ധ്യാപിക വിളിച്ചറിയിച്ചതിനെ തുടർന്ന് അമ്മ വഴക്കുപറഞ്ഞതിലുള്ള മനോവിഷമമാണ് ജീവനൊടുക്കാൻ കാരണമെന്നാണ് പൊലീസിന്റെ പ്രാഥമിക നിഗമനം.
സംഭവത്തിൽ പൂയപ്പള്ളി പൊലീസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചിട്ടുണ്ട്.തിരുവനന്തപുരം കല്ലമ്പലം ഞെക്കാട് സ്വദേശിനി സഞ്ജനയെയാണ് (16) ഇന്ന് പുലർച്ചെ വീടിനുള്ളിൽ മരിച്ച നിലയിൽ കണ്ടെത്തിയത്. ശിവഗിരി ഹയർ സെക്കൻഡറി സ്കൂളിലെ പ്ലസ് വൺ വിദ്യാർത്ഥിനിയാണ്. പുലർച്ചെ മൂന്ന് മണിയോടെ കുട്ടിയുടെ അമ്മ ഗുരുവായൂർ ക്ഷേത്രദർശനത്തിനായി വീട്ടിൽ നിന്ന് പോയിരുന്നു. ഇതിന് ശേഷമാണ് സംഭവം നടന്നതെന്നാണ് കരുതുന്നത്. വീടിന്റെ സ്റ്റെയർകേസിനടിയിലാണ് മൃതദേഹം കണ്ടെത്തിയത്. മൃതദേഹം പാരിപ്പള്ളി മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.
കല്ലമ്പലം പൊലീസ് സ്ഥലത്തെത്തി തുടർനടപടികൾ സ്വീകരിച്ചു. മരണകാരണം വ്യക്തമായിട്ടില്ല.കൈയിലെ ഞരമ്പ് മുറിഞ്ഞ നിലയിലായിരുന്നെന്നാണ് പോലീസ് നൽകുന്ന വിവരം. പുലർച്ചെ മൂന്നുമണിയോടെ കുട്ടിയുടെ അമ്മ ഗുരുവായൂർ ക്ഷേത്രദർശനത്തിനായി വീട്ടിൽനിന്ന് പോയിരുന്നു. ഇതിനുശേഷമാണ് സംഭവം നടന്നതെന്നാണ് നിഗമനം. കുട്ടികളിലും കൗമാരക്കാരിലും ആത്മഹത്യാ പ്രവണത വർദ്ധിക്കുന്നതിന് പിന്നിൽ നിരവധി ഘടകങ്ങളുണ്ട്:പഠനഭാരവും പരീക്ഷാപ്പേടിയും: മാർക്കുകളുടെയും റാങ്കുകളുടെയും പിന്നാലെയുള്ള ഓട്ടം കുട്ടികളിൽ വലിയ മാനസിക സമ്മർദ്ദമുണ്ടാക്കുന്നു.
മാതാപിതാക്കളുടെയും സമൂഹത്തിന്റെയും അമിത പ്രതീക്ഷകൾക്കൊത്ത് ഉയരാൻ കഴിയാതെ വരുമ്പോൾ പരാജയഭീതി അവരെ കടുത്ത തീരുമാനങ്ങളിലേക്ക് നയിക്കുന്നു.
https://www.facebook.com/Malayalivartha

























