മകളെ വിവാഹം ചെയ്ത് കൊടുക്കാത്തതിലുള്ള വൈരാഗ്യം...അയല്‍വാസിയായ ബന്ധുവിനെ യുവാവ് കുത്തിക്കൊലപ്പെടുത്തി
മകളെ വിവാഹം ചെയ്ത് കൊടുക്കാത്തതിലുള്ള വൈരാഗ്യത്തില്‍ അയല്‍വാസിയായ ബന്ധുവിനെ യുവാവ് കുത്തിക്കൊന്നു. മംഗലാപുരം പതിനാറാം മൈല്‍ പാട്ടത്തില്‍ ഗവ. എല്‍.പി സ്‌കൂളിന് സമീപം ടി.എന്‍ കോട്ടേജില്‍ എ. താഹ (67) ആണ് കൊല്ലപ്പെട്ടത്. സംഭവത്തില്‍ ബന്ധുവായ പാട്ടത്തില്‍ പൊയ്കയില്‍ ഷിഹാസ് മന്‍സിലില്‍ റാഷിദിനെ (31) അറസ്റ്റ് ചെയ്ത് മംഗലാപുരം പൊലീസ് .
ഭാര്യയോടൊപ്പം താഹ ഈ മാസം 28ന് ഹജ്ജ് കര്‍മത്തിന് പോകാനിരിക്കെയാണ് ദാരുണം സംഭവം നടന്നത്. ബുധനാഴ്ച ഉച്ചക്ക് കത്തിയുമായി വീട്ടിനുള്ളിലേക്ക് ഓടികയറിയ റാഷിദ് താഹയെ ആക്രമിക്കുകയായിരുന്നു. താഹക്ക് നേരെയുള്ള ആക്രമണം ഭാര്യ നൂര്‍ജഹാന്‍ തടഞ്ഞു. എന്നാല്‍, നൂര്‍ജഹാനെ തള്ളിയിട്ട ശേഷമാണ് റാഷിദ് താഹയെ കുത്തി. വയറില്‍ കുത്തേറ്റ താഹ വീടിന്റെ രണ്ടാമത്തെ നിലയിലേക്ക് ഓടിക്കയറിയെങ്കിലും പ്രതി പിന്നാലെ എത്തി വീണ്ടും കുത്തി.
താഹയുടെ വയറ്റില്‍ നാലിടത്ത് കുത്തേറ്റത്. ബന്ധുക്കളും നാട്ടുകാരും ചേര്‍ന്ന് തിരുവനന്തപുരത്തെ സ്വകാര്യ ആശുപത്രിയില്‍ എത്തിച്ചെങ്കിലും രാത്രി ഒരു മണിയോടെ താഹ മരണത്തിന് കീഴടങ്ങി. ആക്രമണത്തിന് ശേഷം രക്ഷപ്പെടാന്‍ ശ്രമിച്ച റാഷിദിനെ നാട്ടുകാര്‍ പിടികൂടി മംഗലാപുരം പൊലീസിന് കൈമാറുകയും ചെയ്തു.
താഹയുടെ മകളെ വിവാഹം ചെയ്ത് കൊടുക്കാത്തതിന്റെ പ്രതികാരത്തിലാണ് ആക്രമിച്ചതെന്നാണ് പ്രതി പൊലീസിന് മൊഴി നല്‍കിയത്.
https://www.facebook.com/Malayalivartha
