തര്‍ക്കത്തിനൊടുവില്‍ കൊലപാതകം... സഹോദരങ്ങള്‍ തമ്മിലുള്ള തര്‍ക്കത്തിനിടെ കുഴഞ്ഞുവീണ് റിട്ട. അധ്യാപകന്‍ മരിച്ചു, സഹോദരന്‍ അറസ്റ്റില്‍
തിരൂരങ്ങാടിയില്‍ സഹോദരങ്ങള്‍ തമ്മിലുള്ള തര്‍ക്കത്തിനിടെ കുഴഞ്ഞുവീണ് റിട്ട. അധ്യാപകന്‍ മരിച്ചു. സംഭവത്തില്‍ സംഗീതാധ്യാപകനായ സഹോദരന്‍ അറസ്റ്റിലായി.
എആര്‍ നഗര്‍ അരീത്തോടിനു സമീപം പാലാന്തറ സ്വദേശിയും കൊടിഞ്ഞി ജിയുപി സ്‌കൂള്‍ മുന്‍ അധ്യാപകനുമായ പൂക്കോടന്‍ അയ്യപ്പന്‍ (59) ആണ് ഞായറാഴ്ച രാത്രി മരിച്ചത്. സഹോദരനും സംഗീതാധ്യാപകനുമായ പൂക്കോടന്‍ ബാബു(47)വിനൊണ് തിരൂരങ്ങാടി പോലീസ് അറസ്റ്റ് ചെയ്തത്. ഇയാളെ കോടതി റിമാന്‍ഡിലാക്കി.
സ്വത്തുതര്‍ക്കവുമായി ബന്ധപ്പെട്ട് അയ്യപ്പനും ബാബുവും വീടിനു സമീപംവെച്ച് തര്‍ക്കമുണ്ടായിരുന്നു. ഇതിനിടെ അയ്യപ്പന്‍ കുഴഞ്ഞു വീഴുകയായിരുന്നു. ആശുപത്രിയിലെത്തിച്ചെങ്കിലും രക്ഷിക്കാന്‍ കഴിഞ്ഞില്ല. അയ്യപ്പന്റെ ഭാര്യയുടെ മൊഴിപ്രകാരമാണ് തിരൂരങ്ങാടി പോലീസ് കേസെടുത്തത്. തിങ്കളാഴ്ച മഞ്ചേരി മെഡിക്കല്‍ കോളേജില്‍ മൃതദേഹം പോസ്റ്റ്‌മോര്‍ട്ടം നടത്തി.
"
https://www.facebook.com/Malayalivartha
