ആറാം റൗണ്ട് പുരോഗമിക്കുമ്പോള്‍ ലീഡുയര്‍ത്തി ബാപ്പുട്ടി എന്നറിയപ്പെടുന്ന യുഡിഎഫ് സ്ഥാനാര്‍ത്ഥി ആര്യാടന്‍ ഷൗക്കത്ത്. 19472 വോട്ടാണ് മണ്ഡലത്തില്‍ എല്‍ഡിഎഫിനുള്ളത്. 24229 വോട്ട് ആര്യാടന്‍ ഷൗക്കത്ത് നേടിയിട്ടുണ്ട്.

7777 വോട്ടാണ് പിവി അന്‍വറിന് ലഭിച്ചിരിക്കുന്നത്. 2786 വോട്ട് മാത്രമാണ് ബിജെപിക്ക് ലഭിച്ചത്. ഏറ്റവുമൊടുവില്‍ വിവരം ലഭിക്കുമ്പോള്‍ യുഡിഎഫ് ലീഡ് അയ്യായിരം കടന്നിട്ടുണ്ട് . ആര്യാടന്‍51567 വോട്ടിന് ലീഡ് ചെയ്യുന്നു. എം.സ്വരാജ് രണ്ടാമതും സ്വതന്ത്രസ്ഥാനാര്‍ഥി പി.വി.അന്‍വര്‍ മൂന്നാമതുമാണ്.

എല്‍ഡിഎഫിനായി എം.സ്വരാജ്, യുഡിഎഫിനായി ആര്യാടന്‍ ഷൗക്കത്ത്, എന്‍ഡിഎയ്ക്കായി മോഹന്‍ ജോര്‍ജ്, സ്വതന്ത്രസ്ഥാനാര്‍ഥിയും മുന്‍ എംഎല്‍എയുമായ പി.വി.അന്‍വര്‍ എന്നിവരടക്കം 10 സ്ഥാനാര്‍ഥികളാണ് മത്സര രംഗത്തുണ്ടായിരുന്നത്.

ഗുജറാത്തിലെ കാഡി,വിസാദര്‍, പഞ്ചാബിലെ ലുധിയാന, പശ്ചിമ ബംഗാളിലെ കാളിഗഞ്ജ് എന്നീ നിയമസഭാ സീറ്റുകളിലേക്ക് നടന്ന ഉപതിരഞ്ഞെടുപ്പുകളുടെ ഫലവും ഇന്നറിയാനാകും.