തെരച്ചിലിനൊടുവില് കണ്ടെത്തി.... തൃശൂര് പീച്ചി ഡാമില് കാണാതായ ജീവനക്കാരന്റെ മൃതദേഹം കണ്ടെത്തി.

തൃശൂര് പീച്ചി ഡാമില് അറ്റകുറ്റപ്പണികള്ക്കിടെ കാണാതായ ജീവനക്കാരന്റെ മൃതദേഹം കണ്ടെത്തി. പമ്പിങ് സ്റ്റേഷനിലെ കരാര് ജീവനക്കാരനായ ആറ്റിങ്ങല് സ്വദേശി അനി(41)ആണ് മരിച്ചത്. പമ്പിങ് സ്റ്റേഷനില് അറ്റകുറ്റപ്പണികള് നടത്തുന്നതിനിടെയാണ് അപകടമുണ്ടായത്.
തൃശൂരിലേക്കുള്ള അമൃത് പദ്ധതിയിലുള്ള വാട്ടര് അതോറിറ്റിയുടെ ഫ്ലോട്ടിങ് ഇന് ടൈപ് ജോലിയുമായി ബന്ധപ്പെട്ട് ഡാമിലെ പൈപ്പിന്റെ വാല്വുകള് പരിശോധിക്കുന്നതിനിടെ വെള്ളത്തില് വീഴുകയായിരുന്നു. ഫയര് ആന്ഡ് റെസ്ക്യൂ ടീംസ്ഥലത്തെത്തി തെരച്ചില് നടത്തിയാണ് മൃതദേഹം കണ്ടെത്തിയത്.
ഇന്നലെ വൈകിട്ട് 6.30 ഓടെയാണ് മൃതദേഹം കണ്ടെത്തിയത്. മൃതദേഹം തൃശൂര് മെഡിക്കല് കോളജ് മോര്ച്ചറിയിലാണ്
https://www.facebook.com/Malayalivartha