സംസ്ഥാനത്ത് ഓണത്തോടനുബന്ധിച്ച് 2,000 കര്ഷക ചന്തകള് സംഘടിപ്പിക്കുമെന്ന് കൃഷിമന്ത്രി

വരുന്നു കാര്ഷികചന്തകള്.... സംസ്ഥാനത്ത് 2,000 കര്ഷക ചന്തകള് സംഘടിപ്പിക്കുമെന്ന് കൃഷിമന്ത്രി പി പ്രസാദ്. സെപ്റ്റംബര് 1 മുതല് 4 വരെയുള്ള നാല് ദിവസങ്ങളിലാണ് ചന്തകള്.
പഞ്ചായത്ത്- കോര്പ്പറേഷന്- മുനിസിപ്പാലിറ്റി തലത്തില് നടക്കുന്ന കര്ഷക ചന്തകളില് 1,076 എണ്ണം കൃഷിവകുപ്പും 160 എണ്ണം വി എഫ് പി സി കെയും 764 എണ്ണം ഹോര്ട്ടികോര്പ്പും സംഘടിപ്പിക്കുമെന്ന് മന്ത്രി.
കര്ഷകരില് നിന്ന് 10 ശതമാനം അധിക വില നല്കി പച്ചക്കറികള് സംഭരിച്ച്, പൊതുവിപണി വിലയേക്കാള് 30 ശതമാനം കുറഞ്ഞ നിരക്കില് ജനങ്ങള്ക്ക് ലഭ്യമാക്കുകയും ചെയ്യും. ജൈവപച്ചക്കറികള്, ഉത്തമ കൃഷിമുറകള് പരിപാലിച്ച് ഉല്പാദിപ്പിക്കുന്ന പച്ചക്കറികള് എന്നിവ 20 ശതമാനം അധികവില നല്കി സംഭരിക്കും. ഇവ വിപണി വിലയേക്കാള് 10 ശതമാനം കുറച്ച് വില്പന നടത്തും. ഇതിനായി 13 കോടി രൂപ ചെലവ് കണക്കാക്കിയിരിക്കുന്നുവെന്നും മന്ത്രി .
സംസ്ഥാനത്തെ കര്ഷകര് ഉല്പാദിപ്പിക്കുന്ന പച്ചക്കറികള് സംഭരിക്കുന്നതിന് പദ്ധതി ആവിഷ്കരിച്ചിട്ടുണ്ട്. സംസ്ഥാനത്തിനുള്ളില് ലഭ്യമല്ലാത്ത പച്ചക്കറികള് ഹോര്ട്ടികോര്പ്പ് ഇതര സംസ്ഥാനങ്ങളില് നിന്ന് സംഭരിക്കുന്നതാണ്.
ഇടുക്കി, വയനാട് ജില്ലകളിലെ പ്രത്യേക പച്ചക്കറി ഇനങ്ങളുടെ ലഭ്യത കൃഷി വകുപ്പ് ഉദ്യോഗസ്ഥര് ഉറപ്പാക്കുകയും ചെയ്യും. കേരളഗ്രോ, ജൈവ ഉല്പ്പന്നങ്ങള്, കൃഷിക്കൂട്ടങ്ങളുടെ ഉല്പ്പന്നങ്ങള്, ഫാമുകളുടെയും പൊതുമേഖലാ സ്ഥാപനങ്ങളുടെയും ഉല്പ്പന്നങ്ങള് തുടങ്ങിയവയുടെ വില്പ്പനക്കായി കര്ഷകചന്തയില് പ്രത്യേക ക്രമീകരണം ഏര്പ്പെടുത്തുന്നതാണ്.
"
https://www.facebook.com/Malayalivartha

























