പത്മനാഭസ്വാമി ക്ഷേത്രത്തിലെ പെരിയനമ്പിയായിരുന്ന പത്മനാഭന്‍ മരുതംപാടിത്തായര്‍ അന്തരിച്ചു
പത്മനാഭസ്വാമി ക്ഷേത്രത്തിലെ പെരിയനമ്പിയായിരുന്ന പത്മനാഭന്‍ മരുതംപാടിത്തായര്‍ (മരുതംപാടി നാരായണന്‍ പത്മനാഭന്‍, 64) അന്തരിച്ചു. ഹൃദയാഘാതത്തെ തുടര്‍ന്ന് ഇന്നലെ രാത്രി 11.30 ഓടെയായിരുന്നു അന്ത്യം സംഭവിച്ചത്.
കാസര്‍കോട് കാഞ്ഞങ്ങാട്ടെ താന്ത്രിക കുടുംബമായ പുല്ലൂര്‍ വിഷ്ണുമംഗലം മരുതംപാടി ഇല്ലത്തെ അംഗമാണ്. സംസ്‌കാരം മരുതംപാടി ഇല്ലത്ത് ഉച്ചയോടെ നടക്കും. ഏറ്റുമാനൂര്‍ മഹാദേവ ക്ഷേത്രം, കുമാരനെല്ലൂര്‍ ദേവീക്ഷേത്രം എന്നിവിടങ്ങളില്‍ മേല്‍ശാന്തിയായിരുന്നിട്ടുണ്ട്.
2008 മുതല്‍ 2009 വരെ പഞ്ചഗവ്യത്ത് നമ്പിയായും 2009 മുതല്‍ 2015 വരെ പെരിയ നമ്പിയായും പത്മനാഭസ്വാമി ക്ഷേത്രത്തില്‍ സേവനം
്‌നുഷ്ഠിച്ചിരുന്നു. പുല്ലൂര്‍- പെരിയ ഗ്രാമ പഞ്ചായത്തിലെ മികച്ച കര്‍ഷകനുള്ള പുരസ്‌കാരവും കിട്ടിയിട്ടുണ്ട്.
ഭാര്യ: ഉഷ പത്മനാഭന്‍. മക്കള്‍: കിഷോര്‍ നാരായണന്‍, പത്മകുമാര്‍. മരുമകള്‍: കൃഷ്ണപ്രിയ.
"
https://www.facebook.com/Malayalivartha
