കാവേരി നദിയിൽ നിന്ന് 11 ടി.എം.സി. ജലം വിട്ടുനൽകാൻ കർണാടകയ്ക്ക് നിർദ്ദേശം നൽകണമെന്നാവശ്യപ്പെട്ട് തമിഴ്നാട് സർക്കാർ സമർപ്പിച്ച രണ്ട് അപേക്ഷകളും തള്ളി സുപ്രീം കോടതി

കാവേരി നദിയിൽ നിന്ന് 11 ടി.എം.സി. ജലം വിട്ടുനൽകാൻ കർണാടകയ്ക്ക് നിർദ്ദേശം നൽകണമെന്നാവശ്യപ്പെട്ട് തമിഴ്നാട് സർക്കാർ സമർപ്പിച്ച രണ്ട് അപേക്ഷകളും തള്ളി സുപ്രീം കോടതി. ജസ്റ്റിസ് വിക്രം നാഥ്, ജസ്റ്റിസ് അപരേഷ് കുമാർ സിംഗ് എന്നിവരടങ്ങിയ ബെഞ്ചാണ് വെള്ളിയാഴ്ച ഉത്തരവ് പുറപ്പെടുവിച്ചത്.
വിധി പ്രസ്താവിക്കുന്നതിന് മുൻപായി, കൂടുതൽ രേഖകൾ ഉൾപ്പെടുത്തുന്നതിനായി തമിഴ്നാട് ഇന്നുതന്നെ മൂന്നാമതൊരു അപേക്ഷ കൂടി നൽകിയിട്ടുണ്ടെന്ന് നിരീക്ഷിച്ച ജസ്റ്റിസ് വിക്രം നാഥ്, അതും തള്ളിക്കളയുന്നതായി വാക്കാൽ വ്യക്തമാക്കുകയായിരുന്നു.
ഒക്ടോബർ ആറുവരെ ലഭിക്കേണ്ട ജലത്തിന്റെ അളവിൽ 11.719 ടിഎംസി.യുടെ കുറവുണ്ടെന്നാണ് തമിഴ്നാട് കോടതിയിൽ വാദിച്ചത്. അണക്കെട്ടുകളിൽ ആവശ്യത്തിന് ജലശേഖരം ഉണ്ടായിട്ടും കർണാടക വെള്ളം തടഞ്ഞുവെക്കുകയാണെന്നും തമിഴ്നാട് ആരോപിക്കുകയായിരുന്നു. അർഹമായ വിഹിതം ലഭിക്കുന്നില്ലെന്ന് ചൂണ്ടിക്കാട്ടി, കാവേരി ജല മാനേജ്മെന്റ് അതോറിറ്റിയുടെ നിർദ്ദേശങ്ങൾ കർണാടക നടപ്പാക്കണമെന്ന് ആവശ്യപ്പെട്ടാണ് തമിഴ്നാട് സുപ്രീം കോടതിയെ സമീപിച്ചത്.
"
https://www.facebook.com/Malayalivartha
























