പക്ഷാഘാതത്തെ തുടര്‍ന്ന് എട്ടു മാസത്തോളമായി റിയാദിലെ അല്‍മവാസാത്ത് ആശുപത്രിയില്‍ കിടപ്പിലായിരുന്ന പാലക്കാട് യാക്കര സ്വദേശി മരിച്ചു
സങ്കടക്കാഴ്ചയായി... പക്ഷാഘാതത്തെ തുടര്‍ന്ന് എട്ടു മാസത്തോളമായി റിയാദിലെ അല്‍മവാസാത്ത് ആശുപത്രിയില്‍ കിടപ്പിലായിരുന്ന പാലക്കാട് യാക്കര സ്വദേശി രാജേഷ് ബാബു ബാലകൃഷ്ണന്‍ (48) മരണമടഞ്ഞു. പാലക്കാട് മേട്ടുപാളയം സ്ട്രീറ്റ്, പുത്തന്‍ വീട്ടില്‍ ബാലകൃഷ്ണന്‍ സരോജിനി ദമ്പതികളുടെ മകനാണ്. ഭാര്യ സുചിത്ര ഏകമകന്‍ ശ്രീയാന്‍. കഴിഞ്ഞ മൂന്നു വര്‍ഷത്തോളമായി റിയാദിലെ ഒരു സ്വകാര്യ കമ്പനിയില്‍ ഡ്രൈവറായി ജോലി ചെയ്ത് വരികയായിരുന്നു.
അതേസമയം രാത്രി ഭക്ഷണത്തിന് ശേഷം ഉറങ്ങാന്‍ കിടന്ന രാജേഷ് ബാബു രാവിലെ ജോലിക്ക് ഹാജരാകാത്തതിനെ തുടര്‍ന്ന് സഹപ്രവര്‍ത്തകര്‍ അന്വേഷിച്ചെത്തിയപ്പോള്‍ തറയില്‍ വീണുകിടക്കുന്നത് കാണുകയും ഉടന്‍ ആശുപത്രിയില്‍ എത്തിക്കുകയുമായിരുന്നു.
കഴിഞ്ഞ 8 മാസത്തോളമായുള്ള ചികിത്സയില്‍ പുരോഗതി കാണാത്തതിനെ തുടര്‍ന്ന് ചികിത്സക്കായി നാട്ടില്‍ കൊണ്ടുപോകാനുള്ള ശ്രമം നടത്തിയിരുന്നു. തീരെ അവശനായതിനാല്‍ എയര്‍ ആംബുലന്‍സ് സൗകര്യത്തില്‍ മാത്രമേ നാട്ടിലെത്തിക്കാന്‍ സാധിക്കൂ എന്ന് ഡോക്ടര്‍മാര്‍ നിര്‍ദേശിച്ചു. ഇതിനിടയില്‍ മരണം സംഭവിക്കുകയായിരുന്നു.
2013 മുതല്‍ 2018 വരെ ആണ് അഞ്ച് വര്‍ഷം ഹൗസ് ഡ്രൈവര്‍ ആയി ജോലി ചെയ്തിരുന്നു. നാല് വര്‍ഷം നാട്ടില്‍ നിന്നതിന് ശേഷം വീണ്ടും പ്രവാസ ജീവിതം സ്വീകരിക്കുകയായിരുന്നു. മൃതദേഹം നാട്ടിലെത്തിക്കനുള്ള പ്രവര്‍ത്തനങ്ങള്‍ നടന്നു വരുന്നു.
https://www.facebook.com/Malayalivartha
