സൗഹൃദം സ്ഥാപിച്ച് വീട്ടിലേക്ക് ക്ഷണിച്ചുവരുത്തി യുവാവില്‍ നിന്നും പണം തട്ടിയ സംഭവത്തില്‍ രണ്ടു യുവതികള്‍ അടക്കം മൂന്നുപേര്‍ പിടിയില്‍. കുന്ദമംഗലം മാവേലിക്കര സ്വദേശി ഗൗരി നന്ദ, മലപ്പുറം തിരൂരങ്ങാടി സ്വദേശികളായ അന്‍സിന ഭര്‍ത്താവ് മുഹമ്മദ് അഫീഫ് എന്നിവരാണ് പിടിയിലായത്. മലപ്പുറം സ്വദേശിയുമായി സൗഹൃദം സ്ഥാപിച്ച് വീട്ടിലേക്ക് ക്ഷണിച്ചുവരുത്തുകയായിരുന്നു.

തുടര്‍ന്ന് പരാതിക്കാരനെ നഗ്‌നനാക്കി ചിത്രങ്ങളെടുക്കുകയും, പണം നല്‍കിയില്ലെങ്കില്‍ ദൃശ്യങ്ങള്‍ കുടുംബത്തിന് അയക്കുമെന്ന് ഭീഷണിപ്പെടുത്തുകയും ചെയ്തു. ഒരു ലക്ഷത്തിലധികം രൂപ പരാതിക്കാരനില്‍ നിന്നും തട്ടിയെടുത്തു. യുവാവിന്റെ പരാതിയില്‍ പൊലീസ് കേസെടുത്ത് അന്വേഷണം നടത്തുന്നതിടെ മാനാഞ്ചിറ ഭാഗത്ത് നിന്നാണ് പ്രതികളെ പിടികൂടിയത്. ഇവരുടെ അറസ്റ്റ് രേഖപ്പെടുത്തി മജിസ്‌ട്രേറ്റിന് മുമ്പില്‍ ഹാജരാക്കി റിമാന്‍ഡ് ചെയ്തു.