സുഹൃത്തിന്റെ വീട്ടില്‍ നിന്ന് 11 പവന്‍ സ്ര്വര്‍ണ്ണം കവര്‍ന്ന അഭിഭാഷക പൊലീസ് പിടിയില്‍. വിളവങ്കോട് ചെറുവല്ലൂര്‍ സ്വദേശി ആര്‍ഷിത ഡിഫ്‌നി(23)യെയാണ് അറസ്റ്റ് ചെയ്തത്. കന്യാകുമാരി രാജാക്കമംഗലത്താണ് സംഭവം.

നാഗര്‍കോവില്‍ കോടതിയില്‍ പ്രാക്ടീസിന് പോകവേ പരിചയപ്പെട്ട അഭിഭാഷകന്‍ രാജാക്കമംഗലം പഴവിള സ്വദേശി വിജയകുമാറിന്റെ(28) വീട്ടില്‍ നിന്നാണ് ഇവര്‍ ഏകദേശം 11 പവനോളം വരുന്ന സ്വര്‍ണ്ണം കവര്‍ന്നത്. ഇവര്‍ വീട്ടില്‍ നിന്ന് മടങ്ങിയശേഷം മാല കാണാതായതായി വിജയകുമാര്‍ പരാതി നല്‍കുകയായിരുന്നു. ഇതിനെ തുടര്‍ന്ന് രാജാക്കമംഗലം പൊലീസ് നടത്തിയ അന്വേഷണത്തിലാണ് ആര്‍ഷിത ഡിഫ്‌നിയെ അറസ്റ്റ് ചെയ്തത്.