കോടതിയില് നിന്ന് അനുമതി തേടാന് ആവശ്യത്തിന് സമയമുണ്ടായിരുന്നല്ലോ? മുന്കൂര് അനുമതി ഇല്ലാതെ ശബരിമലയിലെ ദ്വാരപാലക ശില്പങ്ങളിലെ സ്വര്ണ്ണപാളി ഇളക്കി മാറ്റിയത് അനുചിതമെന്ന് ഹൈക്കോടതി
സ്പെഷ്യല് കമ്മീഷണറുടെ മുന്കൂര് അനുമതി വേണം.... മുന്കൂര് അനുമതി ഇല്ലാതെ ശബരിമലയിലെ ദ്വാരപാലക ശില്പങ്ങളിലെ സ്വര്ണ്ണപാളി ഇളക്കി മാറ്റിയത് അനുചിതമെന്ന് ഹൈക്കോടതി. സ്പെഷ്യല് കമ്മീഷണറുടെ മുന്കൂര് അനുമതി വേണമെന്ന് ഉത്തരവുകള് നിലനില്ക്കുന്നുണ്ടെന്നും ഹൈക്കോടതിയുടെ ഉത്തരവ് അനിവാര്യമായിരുന്നുവെന്നും് ചൂണ്ടിക്കാട്ടി ദേവസ്വം ബെഞ്ച്.
കോടതിയില് നിന്ന് അനുമതി തേടാന് ആവശ്യത്തിന് സമയമുണ്ടായിരുന്നല്ലോ എന്നും കോടതി ചോദിക്കുകയും ചെയ്തു. വിഷയത്തില് വെള്ളിയാഴ്ച റിപ്പോര്ട്ട് നല്കാനായി ദേവസ്വം ബോര്ഡിന് ഹൈക്കോടതി നിര്ദ്ദേശം നല്കി.
ദ്വാരപാലക ശില്പങ്ങളിലെ സ്വര്ണ്ണം പൂശിയ പാളികള് നന്നാക്കാനായി കൊണ്ടുപോയതുമായി ബന്ധപ്പെട്ട ഹര്ജിയാണ് ഹൈക്കോടതി പരിഗണിക്കുന്നത്.
കോടതി അനുമതിയില്ലാതെ ഇളക്കിയെന്നാണ് സ്പെഷ്യല് കമ്മീഷണറുടെ റിപ്പോര്ട്ടുള്ളത്. കോടതിയുടെ അനുമതിയോടെ മാത്രമേ സന്നിധാനത്ത് സ്വര്ണ്ണപ്പണികള് നടത്താനായി പാടുള്ളുവെന്ന ഹൈക്കോടതി നിര്ദേശം പാലിക്കാത്തത് ഗുരുതര വീഴ്ചയാണെന്ന് വ്യക്തമാക്കി കമ്മീഷണര് ഹൈക്കോടതിക്ക് റിപ്പോര്ട്ടും നല്കി.
https://www.facebook.com/Malayalivartha
