ഭാര്യയുടെ കഴുത്തില്‍ വെട്ടിപരിക്കേല്‍പ്പിച്ച് ഭര്‍ത്താവ് തൂങ്ങി മരിച്ചു. വെള്ളിയാഴ്ച രാവിലെ എഴോട് കൂടി കുറ്റിക്കോല്‍ പയന്തങ്ങാനത്താണ് സംഭവം.

കുടുംബപ്രശ്‌നത്തിന്റെ പേരില്‍ കുറ്റിക്കോല്‍ ടൗണിലെ ഓട്ടോ ഡ്രൈവറായ സുരേന്ദ്രന്‍ (51), ഭാര്യ സിനി (46)യെ കത്തി കൊണ്ട് കഴുത്തിന് വെട്ടുകയായിരുന്നു. സിനി സമീപത്തെ വീട്ടിലേക്ക് രക്ഷപ്പെട്ട് ഓടി. അയല്‍ക്കാരന്‍ വീട്ടിലെത്തുമ്പോള്‍ സുരേന്ദ്രന്‍ വീടിന്റെ സ്റ്റേയര്‍കേസിന് സമീപം തൂങ്ങി മരിച്ച നിലയിലാണ് കണ്ടെത്തിയത്. ദമ്പതികള്‍ക്ക് അഞ്ച് വയസുള്ള പെണ്‍കുട്ടിയും രണ്ട് വയസുള്ള ആണ്‍കുട്ടിയുമുണ്ട്.

ഒടയഞ്ചാല്‍ നായിക്കയം സ്വദേശിയാണ് സിനി. പരിക്കേറ്റ സിനിയെ കാസര്‍കോട് സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. സംഭവ സ്ഥലത്ത് ബേഡകം പൊലീസെത്തി അന്വേഷണം തുടങ്ങി  .