കോട്ടയം വൈക്കം റോഡ് റെയിൽവേ സ്റ്റേഷനിൽ നിർത്തിയിട്ടിരുന്ന ഗുഡ്സ് ട്രെയിനിന്റെ മുകളിൽ കയറി റെയിൽവേ ട്രാക്ക് മുറിച്ചു കടന്ന വിദ്യാർത്ഥിയ്ക്ക് ഗുരുതരമായി പൊള്ളലേറ്റു. കടുത്തുരുത്തി ഗവൺമെന്റ് പോളിടെക്നിക്കിലെ ഒന്നാം വർഷ വിദ്യാർത്ഥി എറണാകുളം കുമ്പളം സ്വദേശി അദ്വൈതിനാ (20) ണ് പൊള്ളലേറ്റത്.

ക്ലാസ് കഴിഞ്ഞ് വീട്ടിലക്ക് പോകുവാൻ വൈകുന്നേരം അഞ്ച് മണിയോടെ ആയിരുന്നു സംഭവം. റയിൽവേ സ്റ്റേഷനിൽ എത്തിയ വിദ്യാർത്ഥി ട്രാക്കിൽ കിടന്ന് ഗുഡ്സ് ട്രെയിനിന് മുകളിലൂടെ പാളം മുറിച്ച് കടക്കുകയായിരുന്നു.

ഉടൻതന്നെ ഷോക്കേറ്റ് താഴെ വീണ വിദ്യാർത്ഥിയെ റെയിൽവേ ജീവനക്കാരും യാത്രക്കാരും ചേർന്നാണ് ആശുപത്രിയിൽ എത്തിച്ചത്. വിദഗ്ധ ചികിത്സയ്ക്കായി വിദ്യാർത്ഥിയെ കോട്ടയം മെഡിക്കൽ കോളേജിലേക്ക് മാറ്റി. കടുത്തുരുത്തി പോളിടെക്നിക്ക് കോളേജ് ഒന്നാം വർഷ കമ്പ്യൂട്ടർ എഞ്ചിനീയർ വിദ്യാർത്ഥിയാണ് അദ്വൈത്.