എൻജിൻ തകരാർ... ഷൊർണൂർ - എറണാകുളം പാതയിൽ ട്രെയിൻ ഗതാഗതതടസ്സം

ഷൊർണൂർ - എറണാകുളം പാതയിൽ ട്രെയിൻ ഗതാഗതം തടസപ്പെട്ടു. എൻജിൻ തകരാറിനെ തുടർന്ന് എറണാകുളം - മംഗളാ ലക്ഷദ്വീപ് എക്സ്പ്രസ് നിർത്തിയിട്ടതോടെയാണ് റൂട്ടിലൂടെയുള്ള ​ഗതാ​ഗതം തടസപ്പെട്ടത്.

ഷൊർണൂരിൽ നിന്ന് എറണാകുളം ഭാഗത്തേക്ക് പോകേണ്ട നിരവധി ട്രെയിനുകൾ വൈകി ഓടുന്നു. വള്ളത്തോൾ നഗർ റെയിൽവേ സ്റ്റേഷനും - വടക്കാഞ്ചേരിക്കും ഇടയിൽ വച്ചാണ് എൻജിൻ തകരാറിനെ തുടർന്ന് ട്രെയിൻ നിർത്തിയത്.

ഷൊർണൂരിൽ നിന്ന് പുതിയ എൻജിൻ എത്തിച്ച് തകരാർ പരിഹരിക്കാനായി ശ്രമം തുടങ്ങി. നിലവിൽ വള്ളത്തോൾ ന​ഗർ റെയിൽവേ സ്റ്റേഷനിലേക്ക് ട്രെയിൻ മാറ്റിയതായാണ് വിവരമുള്ളത്.

റൂട്ടിൽ പിടിച്ചിട്ടിരുന്ന മറ്റു ട്രെയിനുകൾ കടത്തിവിട്ടു തുടങ്ങി. മറ്റു ട്രെയിനുകൾ കടത്തിവിട്ട ശേഷം ട്രെയിൻ ഷൊർണൂരിലേക്ക് എത്തിക്കും. കണ്ണൂര്‍- ആലപ്പുഴ എക്സിക്യൂട്ടീവ് എക്സ്പ്രസ് നാല് മണിക്കൂര്‍ വൈകി ഓടുന്നതായി ഇന്ത്യൻ റെയിൽവേ .