കേരളത്തി‍ൽ സ്വർണവിലയിൽ ഇന്നും വർദ്ധനവ്..ഗ്രാമിന് 20 രൂപയുടെ വർധനയാണ് ഇന്ന് ഉണ്ടായത്. 11,380 രൂപയായാണ് ഒരു ഗ്രാം

സ്വർണത്തിന്റെ വില ഉയർന്നത്.

പവന്റെ വിലയിൽ 160 രൂപയുടെ വർദ്ധനവാണ് രേഖപ്പെടുത്തിയത്. പവന്റെ വില 91,000 കടന്ന് 91,040 രൂപയായി ഉയർന്നു. കഴിഞ്ഞ ദിവസം സ്വർണവില 90,000 രൂപ പിന്നിട്ടിരുന്നു. അതേസമയം, ആഗോളവിപണിയിൽ സ്വർണത്തിന് ഇന്ന് നേരിയ വിലയിടിവുണ്ടായിട്ടുണ്ട്. നിക്ഷേപകർ ലാഭമെടുപ്പിന് മുതിർന്നതോടെയാണ് വിപണിയിൽ ചെറിയ ഇടിവുണ്ടായത്.

അതേസമയം കഴിഞ്ഞ ദിവസം രാവിലെ പവന് 90,000 രൂപ കടന്ന സ്വർണവിലയിൽ ഉച്ചക്കു ശേഷം വീണ്ടും കുതിച്ചുചാട്ടമുണ്ടായി. ഉച്ചക്കു ശേഷം നടന്ന വ്യാപാരത്തിൽ ഗ്രാമിന് 70 രൂപയാണ് വർധിച്ചത്. ഇതോടെ ഒരു ഗ്രാമിന്റെ വില 11,360 രൂപയായി. പവൻ വില 90,880 രൂപയായും ഉയർന്നിരുന്നു.