ആര്യനാട് ബൈക്കപകടത്തില്‍ പത്താംക്ലാസ് വിദ്യാര്‍ത്ഥിനിക്ക് ദാരുണാന്ത്യം
തിരുവനന്തപുരം ആര്യനാട് സ്‌കൂട്ടറും ബുള്ളറ്റും കൂട്ടിയിടിച്ചുണ്ടായ അപകടത്തില്‍ പത്താം ക്ലാസ് വിദ്യാര്‍ത്ഥിനിക്ക് ദാരുണാന്ത്യം. ചെറുകുളം മധു ഭവനില്‍ ബിനീഷിന്റെ മകള്‍ ആന്‍സിയാണ് (15) മരിച്ചത്. ആര്യനാട് കണ്ണങ്കരമൊഴിക്ക് സമീപം ഇന്ന് ഉച്ചയ്ക്ക് 12 മണിയോടെയായിരുന്നു അപകടം. ക്ലാസ് കഴിഞ്ഞ് അന്‍സി പിതാവ് ബിനീഷിനൊപ്പം വീട്ടിലേക്ക് മടങ്ങുന്നതിനിടെയായിരുന്നു സംഭവം.
വെള്ളനാട് ഭാഗത്തുനിന്നുവന്ന ബുള്ളറ്റും ആന്‍സി സഞ്ചരിച്ചിരുന്ന സ്‌കൂട്ടറും തമ്മില്‍ ഇടിക്കുകയായിരുന്നു. സ്‌കൂട്ടര്‍ ഓടിച്ചിരുന്നത് ബിനീഷായിരുന്നു. അപകടത്തില്‍ ആന്‍സി സംഭവസ്ഥലത്തുവച്ചുതന്നെ മരിച്ചു.
ബിനീഷിനെ ഗുരുതര പരിക്കുകളോടെ തിരുവനന്തപുരം സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. മൃതദേഹം ആര്യനാട് സര്‍ക്കാര്‍ ആശുപത്രിയിലാണുള്ളത്. ഇന്‍ക്വസ്റ്റ് നടപടികള്‍ക്കുശേഷം പോസ്റ്റ്‌മോര്‍ട്ടത്തിനായി തിരുവനന്തപുരം മെഡിക്കല്‍ കോളേജിലേക്ക് മാറ്റും.
https://www.facebook.com/Malayalivartha
