‘ഡേർട്ടി ബോംബു’കളോ രാസായുധങ്ങളോ ഉപയോഗിച്ച് വാഷിങ്ടണിൽവെച്ച് ആക്രമണം..അമേരിക്കയുടെ ഹൃദയഭാഗത്ത് ഒരു സ്ഫോടനം..ഞെട്ടിക്കുന്ന റിപ്പോർട്ട്..

അമേരിക്കയുടെ ഹൃദയഭാഗത്ത് ഒരു സ്ഫോടനം. നിമിഷങ്ങൾക്കുള്ളിൽ അന്തരീക്ഷത്തിലേക്ക് പടരുന്ന റേഡിയോ ആക്ടീവ് വസ്തുക്കൾ. അമേരിക്കൻ ഭരണകൂടത്തിലെ ഉന്നത ഉദ്യോഗസ്ഥർ ലക്ഷ്യമാകുന്ന ഭീകരാക്രമണം. ലോകത്തിലെ ഏറ്റവും ശക്തമായ രാജ്യത്തിന്റെ തലസ്ഥാനത്ത് ഇത്തരമൊരു സാഹചര്യം ഉണ്ടായാൽ എന്ത് സംഭവിക്കും? അമേരിക്കൻ രഹസ്യാന്വേഷണ ഏജൻസികൾ പരിശോധിക്കുന്ന പുതിയ വിവരങ്ങൾ ഉയർത്തുന്ന ആശങ്ക ഇതാണ്. ഇറാൻ വാഷിംഗ്ടൺ ഡിസിയിൽ ‘ഡേർട്ടി ബോംബ്’ സ്ഫോടനമോ രാസായുധ ആക്രമണമോ നടത്താനുള്ള സാധ്യത പരിഗണിക്കുന്നുവെന്നാണ് റിപ്പോർട്ട്.
‘ഡേർട്ടി ബോംബു’കളോ രാസായുധങ്ങളോ ഉപയോഗിച്ച് വാഷിങ്ടണിൽവെച്ച് ഇവർക്കുനേരെ ആക്രമണം നടത്താനാണ് പദ്ധതി. ഉന്നതവൃത്തങ്ങളെ ഉദ്ധരിച്ച് സിഎൻഎൻ ആണ് ഇക്കാര്യം റിപ്പോർട്ട് ചെയ്തത്. സാധാരണ സ്ഫോടകവസ്തുക്കൾക്കൊപ്പം റേഡിയോ ആക്ടീവ് ഘടകങ്ങൾ കൂടി ചേർത്ത് നിർമിക്കുന്ന ബോംബുകളെയാണ് ഡേർട്ടി ബോംബ് എന്ന് വിളിക്കുന്നത്.ആക്രമിക്കേണ്ട വ്യക്തികൾ, ആക്രമണം നടത്തേണ്ട സ്ഥലം എന്നിവയടക്കമായിരുന്നു ഇറാന്റെ പദ്ധതി. ഇതിന്റെ പശ്ചാത്തലത്തിൽ കഴിഞ്ഞ ഒരാഴ്ചയായി മുതിർന്ന യുഎസ് ഉദ്യോഗസ്ഥർ,
അടിയന്തര സാഹചര്യം നേരിടുന്നതിനുള്ള മുൻകരുതൽ നടപടികൾ തയ്യാറാക്കിത്തുടങ്ങി.എന്താണ് 'ഡേർട്ടി ബോംബ്' ?സാധാരണ സ്ഫോടകവസ്തുക്കൾക്കൊപ്പം റേഡിയോ ആക്ടീവ് പദാർത്ഥങ്ങൾ ചേർത്തുണ്ടാക്കുന്ന ആയുധമാണിത്. ഇതൊരു അണുബോംബ് അല്ല. അതിനാൽ ആണവ വിസ്ഫോടനത്തിന് സമാനമായ വൻ നാശനഷ്ടങ്ങൾ ഉണ്ടാക്കില്ല. എങ്കിലും, സ്ഫോടനത്തിലൂടെ റേഡിയോ ആക്ടീവ് വികിരണങ്ങൾ അന്തരീക്ഷത്തിൽ പടരാനും ചുരുങ്ങിയ ഒരു പ്രദേശം വാസയോഗ്യമല്ലാതാക്കാനും ആളുകളിൽ ഗുരുതരമായ ആരോഗ്യപ്രശ്നങ്ങൾ ഉണ്ടാക്കാനും ഇതിന് സാധിക്കും.
ഇതിനിടെ, ആക്രമണത്തിനാവശ്യമായ ചില സാമഗ്രികൾ അമേരിക്കയ്ക്കുള്ളിൽ നേരത്തേതന്നെ എത്തിച്ചിട്ടുണ്ടെന്ന് അവകാശപ്പെടുന്ന ഇറാനിയൻ ആശയവിനിമയങ്ങൾ രഹസ്യാന്വേഷണ വിഭാഗം കണ്ടെത്തിയതായും റിപ്പോർട്ടുണ്ട്. എന്നാൽ ഈ വിവരങ്ങളുടെ വിശ്വാസ്യത സ്ഥിരീകരിക്കപ്പെട്ടിട്ടില്ല. അമേരിക്കയിൽ താമസിക്കുന്ന വ്യക്തികളെ ഉപയോഗിച്ച് ആക്രമണം നടത്താനുള്ള സാധ്യതയും ഉദ്യോഗസ്ഥർ പരിശോധിക്കുന്നുണ്ട്.
https://www.facebook.com/Malayalivartha

























