കേരളപ്പിറവി ആശംസ നേര്‍ന്ന് പ്രധാനമന്ത്രി നരേന്ദ്ര മോദി
കേരളപ്പിറവി ദിനത്തില്‍ ഏവര്‍ക്കും ഊഷ്മളമായ ആശംസകള്‍ നേര്‍ന്ന് പ്രധാനമന്ത്രി നരേന്ദ്ര മോദി. ആഗോളതലത്തില്‍ വൈവിധ്യമാര്‍ന്ന മേഖലകളില്‍ മികവ് പുലര്‍ത്തുന്നവരും, സര്‍ഗ്ഗാത്മകതയ്ക്കും നൂതനാശയങ്ങള്‍ക്കും പേരുകേട്ടവരുമായ ജനതയുള്‍ക്കൊള്ളുന്ന സംസ്ഥാനമാണ് കേരളമെന്ന പ്രധാനമന്ത്രി എക്‌സില്‍ കുറിച്ചു.
കേരളപ്പിറവി ദിനത്തില്‍ ഏവര്‍ക്കും ഊഷ്മളമായ ആശംസകള്‍ നേരുന്നു. ആഗോളതലത്തില്‍ വൈവിധ്യമാര്‍ന്ന മേഖലകളില്‍ മികവ് പുലര്‍ത്തുന്നവരും, സര്‍ഗ്ഗാത്മകതയ്ക്കും നൂതനാശയങ്ങള്‍ക്കും പേരുകേട്ടവരുമായ ജനതയുള്‍ക്കൊള്ളുന്ന സംസ്ഥാനമാണ് കേരളം.
കേരളത്തിന്റെ മനോഹരമായ ഭൂപ്രകൃതിയും നൂറ്റാണ്ടുകള്‍ പഴക്കമുള്ള പൈതൃകവും ഇന്ത്യയുടെ ഊര്‍ജസ്വലമായ സാംസ്‌കാരിക പ്രൗഢി പ്രതിഫലിപ്പിക്കുന്നു. കേരളത്തിലെ ജനങ്ങള്‍ക്ക് എല്ലായ്‌പ്പോഴും മെച്ചപ്പെട്ട ആരോഗ്യവും വിജയവും കൈവരട്ടെ എന്ന് പ്രധാനമന്ത്രി കുറിച്ചു.
https://www.facebook.com/Malayalivartha
