രണ്ടുദിവസം മുന്‍പ് കാണാതായ പെയിന്റിങ് തൊഴിലാളിയെ സമീപവാസിയുടെ വീട്ടിലെ കിണറ്റില്‍ മരിച്ച നിലയില്‍ കണ്ടെത്തി. പടിഞ്ഞാറ്റോതറ മോടിയില്‍ എം.ആര്‍. രാജേഷിന്റെ (46) മൃതദേഹമാണ് ശനിയാഴ്ച ഉച്ചക്ക് 12 മണിയോടെ കണ്ടെത്തിയത്. വ്യാഴാഴ്ച രാത്രി മുതല്‍ ഇദ്ദേഹത്തെ കാണാനില്ലായിരുന്നുവെന്ന് ബന്ധുക്കള്‍.

സമീപവാസിയുടെ വീട്ടില്‍ പ്രായമായ സ്ത്രീ മാത്രമാണ് താമസം. ഇവരുടെ കൊച്ചുമകന്‍ ബംഗളൂരുവില്‍ നിന്ന് ഇന്നലെ രാവിലെ വീട്ടിലെത്തിയപ്പോഴാണ് കിണറ്റില്‍ മൃതദേഹം കണ്ടത്. തിരുവല്ല പൊലീസും അഗ്‌നിരക്ഷസേനയും സ്ഥലത്തെത്തി മൃതദേഹം പുറത്തെടുത്തു.

രാജീവിന്റെ വീട്ടില്‍ മകന്‍ ജയരാജ് മാത്രമാണ് ഉണ്ടായിരുന്നത്. ഇദ്ദേഹത്തിന്റെ ഭാര്യ ജയ പാലക്കാട് ഹോംനഴ്‌സായി ജോലി ചെയ്യുകയാണ്. മകള്‍ രസിയ ബംഗളൂരുവില്‍ വിദ്യാര്‍ഥിനിയാണ്. സംഭവത്തില്‍ തിരുവല്ല പൊലീസ് കേസെടുക്കുകയും ചെയ്തു.