പുസ്തക വായനയിലൂടെയുള്ള വിവേകം കരുത്തായി... വിശക്കുന്നവരില്ലാത്ത,അഗതികളില്ലാത്ത നാടായി കേരളം മാറിയതിന് സഹായകമായ ഒട്ടേറെ ഘടകങ്ങളിൽ പ്രധാനം കേരളത്തിലെ വായനാ സംസ്കാരമെന്ന് മുഖ്യമന്ത്രി
03 NOVEMBER 2025 09:13 AM IST
മലയാളി വാര്‍ത്ത
അതിദാരിദ്ര്യ നിർമ്മാർജ്ജനം പോലുള്ള നേട്ടങ്ങൾക്ക് പുസ്തക വായനയിലൂടെയുള്ള വിവേകം കരുത്തായെന്ന് മുഖ്യമന്ത്രി പിണറായി വിജയൻ.
വിശക്കുന്നവരില്ലാത്ത,അഗതികളില്ലാത്ത നാടായി കേരളം മാറിയതിന് സഹായകമായ ഒട്ടേറെ ഘടകങ്ങളിൽ പ്രധാനം കേരളത്തിലെ വായനാ സംസ്കാരമാണെന്നും അദ്ദേഹം പറഞ്ഞു. പി.എൻ പണിക്കർ ഫൗണ്ടേഷൻ സംഘടിപ്പിച്ച അന്തർദേശീയ ലൈബ്രറി കോൺഫറൻസ് ഉദ്ഘാടനം ചെയ്യുകയായിരുന്നു അദ്ദേഹം.
ദേശീയപ്രസ്ഥാനത്തിന്റെയും നവോത്ഥാന മുന്നേറ്റങ്ങളുടെയും കർഷകത്തൊഴിലാളി പ്രസ്ഥാനങ്ങളുടെയും ഭാഗമായാണ് കേരളത്തിൽ ഗ്രന്ഥശാലകൾ വികസിച്ചത്. അന്യമനുഷ്യനോട് കരുതലുള്ള സമൂഹം ഉയർന്നുവന്നതിന്റെ സാമൂഹ്യ അടിത്തറയിൽ നിലയുറച്ചാണ് കേരളം അതിദാരിദ്ര്യമുക്ത സംസ്ഥാനമായത്.
സമൂഹത്തിൽ അന്ധവിശ്വാസങ്ങളും അനാചാരങ്ങളും തിരിച്ചുകൊണ്ടുവരാനായി സ്ഥാപിത ശക്തികൾ ശ്രമിക്കുന്നെന്നും ആ നീക്കങ്ങൾക്കെതിരെ ജാഗ്രത വേണമെന്നും മുഖ്യമന്ത്രി . മന്ത്രി വി.ശിവൻകുട്ടി അദ്ധ്യക്ഷത വഹിച്ചു. ഉപരാഷ്ട്രപതി സി.പി രാധാകൃഷ്ണൻ ഓൺലൈനിൽ സന്ദേശം നൽകി. "
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
