സംസ്ഥാന ഭരണത്തിനെതിരെ രൂക്ഷമായ വിമര്ശനം ഉന്നയിച്ച് വി.ഡി സതീശന്
ശബരിമല മോഷണക്കേസില് ശിക്ഷിക്കപ്പെട്ട സി.പി.എം. നേതാവ് പദ്മകുമാറിനെയടക്കം സംരക്ഷിക്കുന്ന സി.പി.എം. സംസ്ഥാന സെക്രട്ടറി എം.വി. ഗോവിന്ദന് 'തൊലിക്കട്ടിക്കുള്ള സംസ്ഥാന അവാര്ഡ്' നല്കണമെന്ന് പ്രതിപക്ഷ നേതാവ് വി.ഡി. സതീശന്. മുഖ്യമന്ത്രി പിണറായി വിജയന് ജനങ്ങള്ക്കു നല്കുന്ന 'പാഴ്വാക്കുകള്' കേട്ട് സി.പി.എം. സഹയാത്രികര് പോലും ഇപ്പോള് യു.ഡി.എഫ്. അധികാരത്തില് വരാന് ആഗ്രഹിക്കുന്നുണ്ടെന്നും അദ്ദേഹം കൂട്ടിച്ചേര്ത്തു.
മല്ലപ്പള്ളിയില് ചൊവ്വാഴ്ച വൈകീട്ട് നടന്ന യു.ഡി.എഫ്. തിരഞ്ഞെടുപ്പ് പ്രചാരണ പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു പ്രതിപക്ഷ നേതാവ്. സി.പി.എം. നേതൃത്വത്തിനെതിരെ ശക്തമായ ഭാഷയിലാണ് അദ്ദേഹം വിമര്ശനമുന്നയിച്ചത്. ക്രിമിനല് കേസുകളില് പ്രതികളായ നേതാക്കളെ സംരക്ഷിക്കുന്ന പാര്ട്ടി സെക്രട്ടറിക്ക് അനുയോജ്യമായ അംഗീകാരം തൊലിക്കട്ടി അവാര്ഡായിരിക്കുമെന്ന പരിഹാസമാണ് വി.ഡി. സതീശന് ഉന്നയിച്ചത്.
സംസ്ഥാന ഭരണത്തിനെതിരെ രൂക്ഷമായ വിമര്ശനം ഉന്നയിച്ച അദ്ദേഹം, പിണറായി വിജയന് സര്ക്കാരിന്റെ വാഗ്ദാനങ്ങള് ജനം തള്ളിക്കളഞ്ഞെന്നും അവ കേട്ട് സി.പി.എം. അനുഭാവികള് പോലും മനം മാറ്റം വന്നതായും അഭിപ്രായപ്പെട്ടു. യു.ഡി.എഫ്. അധികാരത്തിലെത്തണം എന്ന് അവര് ആഗ്രഹിക്കുന്നുണ്ടെന്നും സതീശന് പറഞ്ഞു.
?അഡ്വ. റെജി തോമസ് യോഗത്തില് അധ്യക്ഷത വഹിച്ചു. പ്രൊഫ. പി.ജെ. കുര്യന്, ആന്റോ ആന്റണി എം.പി, ജോസഫ് എം. പുതുശ്ശേരി, പ്രൊഫ. സതീഷ് കൊച്ചുപറമ്പില്, കുഞ്ഞുകോശി പോള്, ജില്ലാ പഞ്ചായത്ത് സ്ഥാനാര്ഥികളായ ഡോ. ബിജു ടി. ജോര്ജ്, സതീഷ് ബാബു തുടങ്ങിയ നേതാക്കള് പൊതുയോഗത്തില് സംസാരിച്ചു.
https://www.facebook.com/Malayalivartha
