ശബരിമല തീർത്ഥാടകർ സഞ്ചരിച്ച ബസ് മറിഞ്ഞ് 12 പേർക്ക് പരുക്കേറ്റു. കരിങ്കുന്നത്തിന് സമീപം തൊടുപുഴ - പാല പാതയിലാണ് അപകടം.

തൃശൂർ സ്വദേശിക സംഭവിച്ചത്. തൃശൂർ സ്വദേശികളായ തീർത്ഥാടകരാണ് ബസിലുണ്ടായിരുന്നത്. പരിക്കേറ്റവരെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇതിൽ രണ്ടുപേരുടെ നില ഗുരുതരമാണ്.

ശബരിമല ദർശനം നടത്തി മടങ്ങുന്ന വഴിയാണ് റോഡിലെ വളവിൽ നിയന്ത്രണം വിട്ട് ബസ് മറിഞ്ഞത്. നാട്ടുകാർ വിവരം അറിയിച്ചതിനെത്തുടർന്ന് അഗ്നിശമന സേനയും പൊലീസും ഉടൻതന്നെ സ്ഥലത്തെത്തി രക്ഷാപ്രവർത്തനം നടത്തുകയായിരുന്നു.

ആകെ 20പേരാണ് ബസിലുണ്ടായിരുന്നത്. അപകടത്തെത്തുടർന്ന് കുറച്ചുസമയം റോഡിൽ ഗതാഗതം തടസ്സം നേരിട്ടു.