യുവതിയെ ഗര്ഭിണയാക്കിയതിലും ഗര്ഭഛീത്രം നടത്തിയതിലും തന്റെ തലയില് കെട്ടി വെക്കാന് ശ്രമം നടന്നു; രാഹുല് മാങ്കൂട്ടത്തിലിനെതിരെ അതിജീവിതയുടെ ഭര്ത്താവ്
തന്റെ കുടുംബജീവിതം തകര്ത്തത് രാഹുല് മാങ്കൂട്ടത്തില് എംഎല്എ ആണെന്ന് രാഹുല് മാങ്കൂട്ടത്തിലിനെതിരെ പരാതി നല്കിയ യുവതിയുടെ ഭര്ത്താവ്. എസ്ഐടി വീട്ടില് വന്ന് വിവരങ്ങള് ശേഖരിച്ചു. തനിക്ക് വലിയ മാനനഷ്ട്ടം ഉണ്ടായി. രാഹുല് കുറ്റം ചെയ്തിട്ടുണ്ട്. ഒരു എംഎല്എ കുടുംബ പ്രശ്നത്തില് ഇടപെടുമ്പോള് രണ്ട് കക്ഷിയെയും വിളിക്കണം. തന്നെ ഇതുവരെ രാഹുല് വിളിച്ചിട്ടില്ല. യുവതിയെ ഗര്ഭിണയാക്കിയതിലും ഗര്ഭഛീത്രം നടത്തിയതിലും തന്റെ തലയില് കെട്ടി വെക്കാന് ശ്രമം നടന്നു. കേരളത്തിലെ ഒരു എംഎല്എ കുടുംബം തകര്ക്കുകയാണ് ചെയ്തത്. യുവതിയുടെ ഐഡിറ്റിറ്റി വെളിപ്പെടുത്തിയതോടെ തന്റെ ഐസിറ്റിറ്റികൂടി വെളിപ്പെട്ടു. കോണ്ഗ്രസ്,സിപിഎം,ബിജെപി നേതാക്കള് ബന്ധപ്പെട്ട് എന്നെ പിന്തുണ അറിയിച്ചിട്ടുണ്ടെന്നും അതിജീവിതയുടെ ഭര്ത്താവ് വ്യക്തമാക്കി.
രാഹുല് മാങ്കൂട്ടത്തില് എംഎല്എക്കെതിരെ അതിജീവിതയുടെ ഭര്ത്താവ് പരാതി നല്കിയിരുന്നു. തന്റെ കുടുംബ ജീവിതം തകര്ത്തെന്ന് ചൂണ്ടിക്കാട്ടി മുഖ്യമന്ത്രിക്കും ഡിജിപിക്കും പരാതി നല്കി. രാഹുലിനെതിരെ ആചട 84 പ്രകാരം കേസ് എടുക്കണമെന്ന് പരാതിയില് പറയുന്നു. തനിക്ക് വലിയ മാനനഷ്ടം ഉണ്ടായെന്നും വിവാഹിതയാണെന്നറിഞ്ഞിട്ടും രാഹുല് തന്റെ ഭാര്യയുമായി വഴിവിട്ട ബന്ധം സ്ഥാപിച്ചുവെന്നും പരാതയില് പറയുന്നു. തന്റെ അസാന്നിധ്യം അവസരമാക്കി രാഹുല് പരാതിക്കാരിയെ വശീകരിച്ചു. തങ്ങള് തമ്മിലുള്ള പ്രശ്നം തീര്ക്കാനാണ് ശ്രമിച്ചതെന്നായിരുന്നു രാഹുലിന്റെ വാദം. പ്രശ്നം പരിഹരിക്കാന് ആയിരുന്നെങ്കില് എന്തുകൊണ്ട് തന്നെ ബന്ധപ്പെട്ടില്ലെന്നും ഭര്ത്താവ്.
പുതിയ പരാതി നിര്ണായകമാകുക കോടതിയിലായിരിക്കും. രാഹുല് മുന്കൂര് ജാമ്യപേക്ഷയില് പറഞ്ഞിരിക്കുന്ന കാര്യങ്ങള് കളവാണെന്ന് പ്രോസിക്യൂഷന് കോടതിയില് വാദിക്കാന് കഴിയും. കുടുംബപ്രശ്നം പറഞ്ഞ് തീര്ക്കാന് ഇടപ്പെട്ടുള്ള പരിചയമാണ് യുവതിയുമായിട്ടുള്ളതാണെന്നാണ് രാഹുല് മുന്കൂര് ജാമ്യാപേക്ഷയില് പറഞ്ഞിരുന്നത്. അതിനെ തള്ളുന്നതാണ് ഭര്ത്താവിന്റെ പരാതി.
https://www.facebook.com/Malayalivartha
