യുവതിയെ വീടിനുള്ളില് തലയ്ക്കടിയേറ്റ് മരിച്ച നിലയില് കണ്ടെത്തി
ഇടുക്കിയില് യുവതിയെ വീടിനുള്ളില് തലയ്ക്കടിയേറ്റ് ചോര വാര്ന്ന് മരിച്ച നിലയില് കണ്ടെത്തി. മത്തായിപ്പാറ എം.സി കവല സ്വദേശി മലയക്കാവില് സുബിന്റെ ഭാര്യ രജനി സുബിനാണ് (38) മരിച്ചത്. സുബിന് (രതീഷ് 43) ഒളിവിലാണ്. ഇയാള്ക്കായി പൊലീസ് തെരച്ചില് തുടങ്ങി. ഇന്ന് വൈകിട്ടോടെയാണ് രജനിയെ വീടിനുള്ളില് മരിച്ച നിലയില് കണ്ടെത്തിയത്. കൊലപാതകമെന്നാണ് പ്രാഥമിക നിഗമനം.
വീട്ടിനുള്ളില് കട്ടിലില് കമിഴ്ന്നുകിടക്കുന്ന നിലയിലായിരുന്നു മൃതദേഹം. തലയ്ക്ക് അടിയേറ്റ് മരിച്ചെന്നാണ് കരുതുന്നത്. മത്തായിപാറയിലെ ഓട്ടോറിക്ഷ ഡ്രൈവറായ സുബിനെ കണ്ടെത്താന് പൊലീസ് അന്വേഷണം നടത്തി വരികയാണ്. സുബിനും ഭാര്യ രജനിയുമായി കുടുംബ കലഹം പതിവായിരുന്നു. ഇത് സംബന്ധിച്ച് പലതവണ പൊലീസ് കേസും ഉണ്ടായിട്ടുണ്ട്. സുബിനും രജനിക്കും മൂന്നു മക്കളാണ്. രേവതി ഡിഗ്രി വിദ്യാര്ത്ഥിനി, രതിന് പ്ലസ് ടു, രാജീവ് 10ാം ക്ലാസ് വിദ്യാര്ത്ഥി.
ഒരു മാസം മുമ്പാണ് ഇവര് ഈ വീട്ടില് വീണ്ടും ഒരുമിച്ച് താമസമാക്കിയത്. ഇളയ മകന് സ്കൂളില് നിന്ന് വന്നപ്പോള് രജനി അനക്കം ഇല്ലാതെ കിടക്കുന്നതു കണ്ടു. മകന്, പഞ്ചായത്ത് അംഗം ബിജു ചെബ്ലാവനെ അറിയിച്ചു. തുടര്ന്ന് വിവരം പൊലീസില് അറിയിക്കുകയായിരുന്നു. പൊലീസ് നടത്തിയ പരിശോധനയില് രജനി തലയ്ക്ക് പരുക്കേറ്റ് മരിച്ചതായി കണ്ടെത്തി. ഉച്ചയ്ക്ക് ഒന്നരയോടെ പരപ്പില് നിന്ന് സുബിന് ബസില് കയറി പോയതായി കണ്ടവരുണ്ട്. ഇടുക്കി സ്പെഷ്യല് ബ്രാഞ്ച് ഡിവൈ.എസ്.പി യൂനസ്, പീരുമേട് ഡിവൈ.എസ്.പി വിശാല് ജോണ്സണ്, ഉപ്പുതറ സി.ഐ എ. ഫൈസല്, എസ്.ഐ കെ.പി. സജി എന്നിവരുടെ നേതൃത്വത്തിലാണ് അന്വേഷണം നടത്തുന്നത്.
https://www.facebook.com/Malayalivartha
