ഭരണ- പ്രതിപക്ഷ വ്യത്യാസമില്ലാതെ ..... തിരുവനന്തപുരം കോര്പ്പറേഷനിലെ കൗണ്സിലര്മാരുടെ യോഗം വിളിച്ച് ഗവര്ണര്
09 JANUARY 2026 01:29 PM IST
മലയാളി വാര്ത്ത
തിരുവനന്തപുരം കോര്പ്പറേഷനിലെ കൗണ്സിലര്മാരുടെ യോഗം വിളിച്ച് ഗവര്ണര് രാജേന്ദ്ര ആര്ലേക്കര്. ഭരണ- പ്രതിപക്ഷ വ്യത്യാസമില്ലാതെ കോര്പ്പറേഷനിലെ 100 കൗണ്സിലര്മാരേയും യോഗത്തിന് വിളിച്ചിട്ടുണ്ട്. നാളെ വൈകുന്നേരം മൂന്നു മുതല് അഞ്ചുവരെ ലോക്ഭവനില് വെച്ചാണ് യോഗം ചേരുക.
ഇതാദ്യമായിട്ടാണ് ഗവര്ണര് കോര്പ്പറേഷന് കൗണ്സിലര്മാരുടെ യോഗം വിളിക്കുന്നത്. തലസ്ഥാന നഗരിയിലെ വികസനം ചര്ച്ചചെയ്യാന് കോര്പ്പറേഷന് കൗണ്സിലര്മാരുടെ യോഗം ലോക്ഭവനില് വിളിച്ചുചേര്ക്കുന്ന കാര്യം ആലോചിക്കുന്നതായി ഗവര്ണര് ആര്ലേക്കര്, തന്നെ സന്ദര്ശിച്ച മേയര് വി വി രാജേഷിനോട് പറഞ്ഞിട്ടുണ്ടായിരുന്നു.
തെരഞ്ഞെടുക്കപ്പെട്ട ശേഷം ഗവര്ണറുടെ ആശീര്വാദം തേടി മേയര് രാജേഷും ഡെപ്യൂട്ടി മേയര് ആശാനാഥും ലോക്ഭവനിലെത്തിയപ്പോഴാണ് ആര്ലേക്കര് ഇക്കാര്യം വ്യക്തമാക്കിയത്.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
