പാലക്കാട് പുതുക്കോട് തോട്ടില്‍ കുളിക്കാന്‍ പോയ യുവാവിനെ മരിച്ച നിലയില്‍ കണ്ടെത്തി. പാലക്കാട് പുതുക്കോട് ചൂലിപ്പാടം സ്വദേശി റാഫിയെ (27) ആണ് വീടിന് അടുത്തുള്ള തോട്ടില്‍ മരിച്ച നിലയില്‍ കണ്ടെത്തിയത്. ഉച്ചയ്ക്ക് ടാപ്പിംഗ് കഴിഞ്ഞ് വന്ന് വീട്ടില്‍ നിന്ന് കുളിക്കാന്‍ തോട്ടിലേക്ക് പോയതാണ് റാഫി.

കുറച്ച് സമയം കഴിഞ്ഞിട്ടും കാണാതായതിനെ തുടര്‍ന്ന് വീട്ടുകാര്‍ സമീപത്ത് തെരച്ചില്‍ നടത്തിയതിനെ തുടര്‍ന്ന് അടുത്തുള്ള തോടിന്റെ കരയില്‍ മരിച്ച് കിടക്കുന്നതാണ് കണ്ടത്. ഷോക്കേറ്റ് മരിച്ചതായാണ് സംശയിക്കുന്നത്. മൃതദേഹം തുടര്‍നടപടികള്‍ക്കായി പാലക്കാട് ജില്ലാ ആശുപത്രി മോര്‍ച്ചറിയിലേക്ക് മാറ്റി. സംഭവത്തില്‍ വടക്കഞ്ചേരി പൊലീസ് അന്വേഷണം ആരംഭിച്ചു. കൂടുതല്‍ പരിശോധനകള്‍ക്ക് ശേഷമേ മരണകാരണം വ്യക്തമാവുകയുള്ളൂ.