നെടുമ്പാശ്ശേരി അന്താരാഷ്ട്ര വിമാനത്താവളത്തിന് സമീപം ലാൻഡിങ്ങിനായി എത്തിയ വിമാനം അസാധാരണമാംവിധം താഴ്ന്നുപറന്നതിനെ തുടർന്ന് ജനവാസ മേഖലയിൽ വ്യാപക നാശനഷ്ടം. പെരുമ്പാവൂർ ഒക്കൽ നമ്പിള്ളി കവലയിൽ വിമാനം സൃഷ്ടിച്ച അതിശക്തമായ വായുമർദ്ദത്തിൽ വീടിന്റെ മേൽക്കൂരയിലെ നൂറ്റി ഇരുപതോളം ഓടുകൾ തകർന്നു വീണു. മാണിക്കത്താൻ എം.വി ജോയിയുടെ വീടിനാണ് കേടുപാടുകൾ സംഭവിച്ചത്. മുൻപും ഈ പ്രദേശത്ത് സമാനമായ രീതിയിൽ വിമാനങ്ങൾ താഴ്ന്നുപറന്ന് അപകടങ്ങൾ ഉണ്ടായിട്ടുണ്ടെന്ന് പ്രദേശവാസികൾ ആരോപിക്കുന്നു.