നീറ്റ് യുജി പരീക്ഷയിൽ അടിമുടി മാറ്റംകൊണ്ടുവരാനുള്ള നീക്കങ്ങളുമായി കേന്ദ്രസർക്കാർ . ചോദ്യപേപ്പർ ചോർച്ചയുടെ പശ്ചാത്തലത്തിലാണ് നടപടിയെന്നാണ് റിപ്പോർട്ടുകളുള്ളത്. ഇതിന്റെ ഭാഗമായി പരീക്ഷ എഴുതുന്നതിന് ഉയർന്ന പ്രായപരിധി ഏർപ്പെടുത്തിയേക്കും. അതിനൊപ്പം എത്രതവണ പരീക്ഷ എഴുതാമെന്നതിലും നിയന്ത്രണങ്ങൾ കൊണ്ടുവരാണ് ആലോചന.

നീറ്റ് അടുത്തവർഷം മുതൽ കമ്പ്യൂട്ടർ അധിഷ്ഠിത പരീക്ഷയായിരിക്കുമെന്ന് എൻടിഎ നേരത്തേതന്നെ വ്യക്തമാക്കിയിട്ടുണ്ട്. ഈ മാറ്റത്തിനൊപ്പം പുതിയ പരിഷ്കാരങ്ങളും ഏർപ്പെടുത്തിയേക്കുമെന്നാണ് റിപ്പോർട്ടുകൾ വ്യക്തമാക്കുന്നത്. സർക്കാർ നിയോഗിച്ച വിദഗ്ദ്ധരടങ്ങിയ കമ്മിറ്റികൾ ഇത്തരത്തിലുളള നിർദ്ദേശങ്ങൾ നേരത്തേ മുന്നോട്ടുവച്ചിരുന്നു.

നിലവിലിപ്പോൾ നീറ്റ് യുജിപരീക്ഷ എഴുതാൻ പ്രായപരിധിയില്ല. അതുപോലെ ശ്രമങ്ങൾക്കും പരിധിയില്ല. പരീക്ഷ എഴുതാൻ 17 വയസ് തികഞ്ഞിരിക്കണമെന്നതുമാത്രമാണ് ഏക നിബന്ധനയുളളത്. നീറ്റിന് പ്രായപരിധി ഏർപ്പെടുത്തണമെന്നാണ് പൊതുവെയുളള ആവശ്യം.