സിഎംആര്എല്- എക്സാലോജിക് സാമ്പത്തിക ഇടപാടു കേസ്... ഹൈക്കോടതി വിധി ഇന്ന്
സിഎംആര്എല്- എക്സാലോജിക് സാമ്പത്തിക ഇടപാടു കേസില് ഹൈക്കോടതി ഇന്ന് വിധി പ്രസ്താവിക്കും. ഇഡിയുടെ അന്വേഷണത്തിനെതിരെ സിഎംആര്എല് കമ്പനി നല്കിയ അപ്പീലാണ് ജസ്റ്റിസുമാരായ എ രാജാ വിജയരാഘവന്, കെ വി ജയകുമാര് എന്നിവരടങ്ങിയ ഡിവിഷന് ബെഞ്ച് വിധി പ്രസ്താവിക്കുന്നത്.
വിധി പറയുന്നത് വരെ കരിമണല് കമ്പനിക്കെതിരെ കടുത്ത നടപടികള് പാടില്ലെന്ന് ഹൈക്കോടതി നിര്ദേശിച്ചിട്ടുണ്ടായിരുന്നു. അധികാരപരിധി മറികടന്നാണ് ഇഡി അന്വേഷണം നടത്തുന്നതെന്നാണ് സിഎംആര്എല്ലിന്റെ വാദം. തെളിവ് ശേഖരണത്തിനായി സമന്സ് അയക്കാനായി ഇഡിക്ക് അധികാരമില്ല.
ആദായനികുതിയുമായി ബന്ധപ്പെട്ട വിഷയങ്ങള് ഇ ഡിയുടെ പരിധിയില് വരില്ലെന്നും കമ്പനി . കൂടാതെ, ഹൈക്കോടതി സിംഗിള് ബെഞ്ച് തങ്ങള്ക്ക് മറുപടി നല്കാനായി അവസരം തന്നില്ലെന്നും ഇത് സ്വാഭാവിക നീതിയുടെ ലംഘനമാണെന്നും സിഎംആര്എല് വാദിച്ചിരുന്നു.
എന്നാല്, മറ്റ് ഏജന്സികള് ഈ കേസ് അന്വേഷിക്കുന്നുണ്ടോ എന്നത് തങ്ങളെ ബാധിക്കുന്ന വിഷയമല്ലെന്നാണ് ഇഡിക്ക് വേണ്ടി ഹാജരായ കേന്ദ്ര സര്ക്കാര് അഭിഭാഷകര് വാദിച്ചത്.
https://www.facebook.com/Malayalivartha
