സിറാജ് ദിന പത്രത്തിൻ്റെ  ബ്യൂറോ ചീഫ് കെ.എം. ബഷീറിനെ വാഹനമിടിപ്പിച്ച് കൊലപ്പെടുത്തിയ നരഹത്യാ കേസിലെ പ്രതി ശ്രീറാം വെങ്കിട്ടരാമൻ ഐ എ എസിനെതിരായ വിചാരണയിൽ ന്യൂറോളജി മേധാവിയടക്കം4 ഔദ്യോഗിക സാക്ഷികൾ ഹാജരായി.   സാക്ഷി വിസ്താരത്തിന് കൂടുതൽ സമയം തേടിയുള്ള പ്രോസിക്യൂഷൻ അപേക്ഷ പ്രകാരം 17ന്  ഹാജരാകാൻ കോടതി ഉത്തരവിട്ടു. 36-ാം സാക്ഷി മെഡിക്കൽ കോളേജ് ന്യൂറോളജി വിഭാഗം മേധാവി ഡോ.പി. അനിൽകുമാർ, 38-ാം സാക്ഷി ട്രാവൻകൂർ കൊച്ചിൻ മെഡിക്കൽ കൗൺസിൽ രജിസ്ട്രാർ മുഹമ്മദ് ഹുസൈൻ, 39-ാം സാക്ഷി തിരുവനന്തപുരം റോഡ് ഫണ്ട് ബോർഡ് ചീഫ് എക്സിക്യൂട്ടീവ് ഓഫീസർ എം.എൻ. ജീവരാജ്, 40-ാം സാക്ഷി തിരുവനന്തപുരം കൺടോൺമെന്റ് ഇലക്ട്രിക്കൽ സെക്ഷൻ അസി.എഞ്ചിനീയർ അനീഷ് എന്നിവരാണ് ഹാജരായത്.തിരുവനന്തപുരം നാലാം അഡീ ജില്ലാ കോടതി ജഡ്ജി സുധാകാന്ത് ആണ് കേസ് വിചാരണ ചെയ്യുന്നത്.   ഫോറൻസിക് സർജൻ മാരടക്കം 6 ഡോക്ടർമാർ  13 ന് ഹാജരായിരുന്നു. സാക്ഷി വിസ്താര സമയം തേടിയുള്ള പ്രോസിക്യൂഷൻ അപേക്ഷ പ്രകാരം14 ന്  ഹാജരാകാൻ കോടതി ഉത്തരവിട്ടിരുന്നു   സാക്ഷികളായ ഫോറൻസിക് സർജൻ മാരടക്കം 6 ഡോക്ടർമാരാണ് 13 ന് ഹാജരായത്.   27- ാം സാക്ഷി മെഡിക്കൽ കോളേജ് ഫോറൻസിക് അസിസ്റ്റന്റ് പ്രൊഫസറും പോലീസ് സർജനുമായ ഡോ. കെ.വൽസല, 29-ാം സാക്ഷി ജനറൽ ആശുപത്രി കാഷ്വാലിറ്റി മെഡിക്കൽ ഓഫീസർ ഡോ.രാകേഷ് . എസ്. കുമാർ , 30-ാം സാക്ഷി ജനറൽ ആശുപത്രി ചീഫ് മെഡിക്കൽ ഓഫീസർ ഡോ.രാകേഷ് തമ്പി, 31-ാം സാക്ഷി കിംസ് ആശുപത്രി ഡോ.മാസൽ വോ ഗ്ലാഡി ലൂയിസ്, 34-ാം സാക്ഷി കിംസ് ആശുപത്രി ഡോ. സനൂപ് കോശി സക്കറിയ, 35-ാം സാക്ഷി കിംസ് ആശുപത്രി  ഡോ. മണി വർഗ്ഗീസ് എന്നിവരാണ് 13ന് ഹാജരായത്. വെളളിയാഴ്ച ഇവരെ വിസ്തരിക്കാനിരുന്നതാണ്. "