എസ്എഫ്‌ഐ നേതാവും കന്റോണ്‍മെന്റ് എസ്‌ഐയുമായുള്ള ഫോണ്‍ സംഭാഷണം പുറത്ത്... പാര്‍ട്ടി ഓഫിസില്‍ കയറി നിന്നെ എടുക്കുമെന്ന് എസ്‌ഐ ജി.ഗോകുല്‍..എസ്.ഐക്കെതിരെ അന്വേഷണത്തിന് ഉത്തരവ്...
യൂണിവേഴ്‌സിറ്റി മെന്‍സ് ഹോസ്റ്റലിലെ പൊലീസ് നടപടിക്കു പിന്നാലെ എസ്എഫ്‌ഐ നേതാവും കന്റോണ്‍മെന്റ് എസ്‌ഐയുമായുള്ള ഫോണ്‍ സംഭാഷണം പുറത്ത്. വീട്ടിലേക്കു സമരം വന്നാല്‍ പാര്‍ട്ടി ഓഫിസില്‍ കയറി നിന്നെ എടുക്കുമെന്ന് എസ്എഫ്‌ഐ ജില്ലാ സെക്രട്ടറി എം.എ.നന്ദനോനാട് എസ്‌ഐ ജി.ഗോകുല്‍ പറഞ്ഞത്.‘ഒരു പേടിയുമില്ല, പറ്റുമെങ്കില്‍ നീ ചെയ്യാന്‍ പറ്റുന്നതൊക്കെ ചെയ്യ്. ബാക്കി ഞാന്‍ നോക്കിക്കോളാം’ എന്നും എസ്‌ഐ പറയുന്നു. ആരാണു സംസാരിക്കുന്നതെന്നു ചോദിക്കുമ്പോള്‍ കന്റോണ്‍മെന്റ് എസ്‌ഐ ഗോകുല്‍ ആണെന്നും പറയുന്നുണ്ട്.
‘‘ആഭ്യന്തരമന്ത്രി പറഞ്ഞതനുസരിച്ച് അറസ്റ്റുകള്‍ നിര്‍ത്തിവച്ചിരിക്കുകയാണ്. മര്യാദയ്ക്കാണെങ്കില്‍ തിരിച്ചും മര്യാദ. നിങ്ങള്‍ ഇപ്പോള്‍ ഒരു മാര്‍ച്ച് നടത്തിയാല്‍ ഞങ്ങള്‍ നേരെ പാര്‍ട്ടി ഓഫിസില്‍ കയറും. നിന്നെ എടുക്കും. നീ എവിടെയാണ് ഇരിക്കുന്നതെന്ന് ഞങ്ങള്‍ക്ക് നല്ലതുപോലെ അറിയാം’’ - എസ്‌ഐ ഗോകുല്‍ പറയുന്നു.കഴിഞ്ഞ ദിവസം രാത്രി തിരുവനന്തപുരത്ത് യൂത്ത് കോണ്‍ഗ്രസ്-എസ്എഫ്‌ഐ സംഘര്‍ഷമുണ്ടായതിനു പിന്നാലെ കന്റോണ്‍മെന്റ് എസ്എച്ച്ഒ സതീഷ്, എസ്‌ഐ ഗോകുല്‍ എന്നിവര്‍ക്കെതിരെ നടപടി ആവശ്യപ്പെട്ട് ആഭ്യന്തരമന്ത്രിക്ക് എസ്എഫ്‌ഐ നേരിട്ടു പരാതി നല്‍കിയിരിക്കുന്നു.
എസ്എഫ്‌ഐ പ്രവര്‍ത്തകരെ തിരഞ്ഞുപിടിച്ചു മര്‍ദിക്കുകയാണെന്നാണ് പരാതി.കന്റോണ്‍മെന്റ് എസ്.ഐക്കെതിരെ അന്വേഷണത്തിന് ഉത്തരവ്. ക്രമസമാധാന ചുമതലയുള്ള എ.ഡി.ജി.പി പി. വിജയനാണ് അന്വേഷണത്തിന് ഉത്തരവിട്ടത്. തിരുവനന്തപുരം സിറ്റി പോലീസ് കമ്മീഷണര്‍ സംഭവത്തില്‍ അന്വേഷണം നടത്തും.എസ്.എഫ്.ഐ തിരുവനന്തപുരം ജില്ലാ സെക്രട്ടറി നന്ദനെയാണ് കന്റോണ്‍മെന്റ് എസ്.ഐ ഗോകുല്‍ ഫോണില്‍ വിളിച്ച് ഭീഷണിപ്പെടുത്തിയത്. പോലീസ് ഉദ്യോഗസ്ഥന്‍ നടത്തിയ ഭീഷണിയുടെ ശബ്ദസന്ദേശം പുറത്തുവന്നതോടെയാണ് പോലീസ് വിഷയം ഗൗരവമായി എടുത്തതും അന്വേഷണത്തിന് ഉത്തരവിട്ടതും.
https://www.facebook.com/Malayalivartha
