അഞ്ജു ബോബി ജോര്‍ജിന് എതിരെ രൂക്ഷവിമര്‍ശനവുമായി പിടി ഉഷ. റിയോ ഒളിംപിക്‌സിനുള്ള ഇന്ത്യന്‍ താരങ്ങള്‍ മെഡല്‍ നേടാന്‍ സാധ്യതയില്ലെന്ന അഞ്ജുവിന്റെ പ്രസ്താവന തെറ്റെന്ന് പിടി ഉഷ പ്രതികരിച്ചു. മെഡല്‍ സാധ്യത കൂടിയ ടീമാണ് ഇത്തവണത്തെ ഇന്ത്യന്‍ ഒളിംപിക് സംഘമെന്നും ഉഷ പീപ്പിള്‍ ടിവിയോട് പറഞ്ഞു.
പ്രായം കൊണ്ട് വളര്‍ന്നെങ്കിലും അഞ്ജുവിന് ഇപ്പോഴും കുട്ടിത്തമാണെന്നും പിടി ഉഷ പറഞ്ഞു. ഉത്തരവാദിത്തപ്പെട്ട സ്ഥാനത്ത് ഇരുന്ന് അഞ്ജു ഇത്തരം പ്രസ്താവന നടത്തിയത് അപക്വമാണ്. തനിക്ക് താരങ്ങളെ പിന്തുണയക്കാന്‍ മാത്രമാണ് ഇഷ്ടമെന്നും പിടി ഉഷ പറഞ്ഞു.
ഇന്ത്യന്‍ താരങ്ങള്‍ക്ക് പിന്തുണ നല്‍കേണ്ട അഞ്ജു തന്നെ ഇത്തരം പ്രസ്താവന നടത്തിയത് താരങ്ങളുടെ ആത്മവിശ്വാസം കെടുത്തും. ഷൂട്ടിങ്ങിലും റെസ്‌ലിങിലും താരങ്ങള്‍ ഒളിംപിക് മെഡല്‍ നേടിയിട്ടുള്ളവരാണ്. അത്‌ലറ്റിക്‌സിലും ഇത്തവണ മികച്ച പ്രകടനം കാഴ്ച്ചവെക്കും.പിടി ഉഷ പറഞ്ഞു.
<ു>സെമിഫൈനലിലും ഫൈനലിലും എത്താനാകുന്നത് തന്നെ മികച്ച കാര്യമാണെന്നത് അഞ്ജു ഓര്‍ക്കണം. റിയോയിലില്‍ നിന്ന് മെഡലുമായി തിരിച്ചെത്താന്‍ പറ്റിയ ഏറ്റവും മികച്ച താരങ്ങള്‍ അടങ്ങിയതാണ് ഇത്തവണത്തെ ഒളിംപിക്‌സ് ടീം. ട്വിന്റു ലൂക്ക അടക്കം മലയാളി താരങ്ങളിലും മികച്ച പ്രതീക്ഷയുണ്ടെന്നും ഉഷ പറഞ്ഞു.