വ്യാജ ഫേസ്ബുക്ക് പ്രൊഫൈല്‍ തയ്യാറാക്കി മുന്‍ ഭര്‍ത്താവ് തന്റെ നഗ്‌നചിത്രങ്ങള്‍ പ്രചരിപ്പിക്കുന്നതായി യുവതിയുടെ പരാതി. മുന്‍ ഭര്‍ത്താവിനെതിരെ കൊച്ചി ഇടപ്പള്ളി സ്വദേശിനിയാണ് രംഗത്തെത്തിയിരിക്കുന്നത്.

വിവാഹബന്ധം വേര്‍പെടുത്തിയ ശേഷവും ഫോണിലൂടെ തന്നെ ഭീഷണിപ്പെടുത്തുന്നുവെന്ന് ചൂണ്ടിക്കാട്ടി പരാതി നല്‍കിയതിലുള്ള വൈരാഗ്യമാണ് ഇതിനു പിന്നിലെന്നും യുവതി പറയുന്നു. എന്നാല്‍ പരാതി കൊടുത്ത് മാസങ്ങള്‍ കഴിഞ്ഞിട്ടും പ്രതിയെ പിടികൂടാനോ നടപടി സ്വീകരിക്കാനോ പോലീസ് തയ്യാറായില്ലെന്നും യുവതി ആരോപിക്കുന്നു.

ഇക്കാര്യം ചൂണ്ടിക്കാട്ടി ഐജി ഉള്‍പ്പെടെയുള്ളവരെ താന്‍ സമീപിച്ചുവെന്നും പരാതി നല്‍കി ഏഴു മാസം കഴിഞ്ഞിട്ടും കേസെടുക്കാനോ അന്വേഷണം നടത്താനോ ഉദ്യോഗസ്ഥര്‍ തയ്യാറായിട്ടില്ലെന്നും യുവതി പറയുന്നു.