പുതിയ സര്‍ക്കാര്‍ അധികാരത്തില്‍ വന്നതിനുശേഷം മന്ത്രിമാരുടെ ഔദ്യോഗിക വസതികളുടെ മേനിക്കൂട്ടാന്‍ പൊതുഭരണവകുപ്പ് ചെലവഴിച്ച തുകയുടെ വിവരങ്ങള്‍ പുറത്ത്. 30 ലക്ഷത്തിലധികം രൂപ ചിലവാക്കിയെന്നാണ് ഔദ്യോഗിക കണക്കുകള്‍ വ്യക്തമാക്കുന്നത്. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസ് മോടിപിടിപ്പിക്കാനാണ് ഇതില്‍ ഏറ്റവും അധികം തുക ചെലവഴിച്ചിരിക്കുന്നത്.6,09,104 രൂപയാണ് ഇതിനുവേണ്ടി ഉപയോഗിച്ചിരിക്കുന്നത്.

മുഖ്യമന്ത്രിക്കുശേഷം റവന്യൂ വകുപ്പ് മന്ത്രി ഇ ചന്ദ്രശേഖരന്റെ ഔദ്യോഗിക വസതിയായ ലിന്റ് റസ്റ്റ് ബംഗ്ലാവ് മോടിപിടിപ്പിക്കാനാണ് ഏറ്റവും അധികം തുക പൊതുഭരണ വകുപ്പ് ചെലവഴിച്ചത്. 4,09441 രൂപ ഇതിനായി വിനിയോഗിച്ചു. മൂന്നാമതായി ഏറ്റവും അധികം ചെലവഴിച്ചത് വ്യാവസായിക വകുപ്പ് മന്ത്രി ഇ പി ജയരാജന്റെ ഔദ്യോഗിക വസതിയായ സാനഡുവിന് വേണ്ടിയാണ്. 3,63,437 രൂപയാണ് സാനഡുവിന് വേണ്ടി പൊടിച്ചത്.

അതേസമയം ജലസേചന വകുപ്പ് മന്ത്രി മാത്യു ടി തോമസും സിവില്‍ സപ്ലൈഡ് വകുപ്പ് മന്ത്രി പി തിലോത്തമനും ഔദ്യോഗിക വസതിക്ക് വേണ്ടി ഒരു രൂപ പോലും ചെലവഴിച്ചില്ല.

പട്ടിക കാണാം

ജെ മേഴ്‌സിക്കുട്ടിയമ്മ (ഫിഷറീസ്) ഉഷസ് ബംഗ്ലാവ് (3,55,073), കടന്നപ്പള്ളി രാമചന്ദ്രന്‍ (തുറമുഖം, മ്യൂസിയം) റോസ്ഹൗസ് (2,66355), കെ കെ ശൈലജ (ആരോഗ്യം)നിള ബംഗ്ലാവ്(1,99612), ടി പി രാമകൃഷ്ണന്‍ (തൊഴില്‍, എക്‌സൈസ്)എസ്സെന്‍ഡീസ് ബംഗ്ലാവ്(1,04549), കെ ടി ജലീല്‍ (തദ്ദേശസ്വയംഭരണം) ഗംഗ ബംഗ്ലാവ്(1,40519), ഡോ. തോമസ് ഐസക്(ധനകാര്യം)മന്‍മോഹന്‍ ബംഗ്ലാവ്(1,19887), കെ രാജു(വനം) അജന്ത ബംഗ്ലാവ് (37,956), ജി സുധാകരന്‍ ( പൊതുമരാമത്ത്, രജിസ്‌ട്രേഷന്‍)നെസ്റ്റ് ബംഗ്ലാവ്(90,000), എ സി മൊയ്തീന്‍(സഹകരണം, ടൂറിസം)പെരിയാര്‍ ഹൗസ് (89,764), എ കെ ബാലന്‍ (നിയമം, പിന്നാേക്കക്ഷേമം) പമ്പ ബംഗ്ലാവ് (90,816), വി എസ് സുനില്‍കുമാര്‍ (കൃഷി) ഗ്രേസ് ബംഗ്ലാവ്(49,156), എ കെ ശശീന്ദ്രന്‍ (ഗതാഗതം) കാവേരി ബംഗ്ലാവ്(66,730), സി രവീന്ദ്രനാഥ്(വിദ്യാഭ്യാസം)പൗര്‍ണ്ണമി ബംഗ്ലാവ്(39351).