ഭരണകര്‍ത്താക്കളുടെ അച്ചുതണ്ട് ഉദ്യോഗസ്ഥര്‍ക്കിടയില്‍ നഷ്ടപ്പെട്ടതിന്റെ പുതിയ ഉദാഹരണം കൂടി. നക്‌സല്‍ വര്‍ഗീസ് കൊലപാതകിയും തട്ടിപ്പുകാരനുമാണെന്ന് മുഖ്യമന്ത്രിയുടെ ആഭ്യന്തര വകുപ്പ് ഹൈക്കോടതിയെ അറിയിച്ചു.

നക്‌സല്‍ വര്‍ഗീസിനെ മുമ്പില്‍ നിര്‍ത്തി മുദ്രാവാക്യം വിളിച്ചവര്‍ തന്നെ ഇങ്ങനെയൊരു അഭിപ്രായം എഴുതി ഹൈക്കോടതിയില്‍ സമര്‍പ്പിച്ച കാര്യം മുഖ്യമന്ത്രി അറിഞ്ഞിട്ടില്ലെന്നാണ് കേള്‍ക്കുന്നത്.

നക്‌സല്‍ വര്‍ഗീസ് വധത്തില്‍ നഷ്ട പരിഹാരം ആവശ്യപ്പെട്ട് വര്‍ഗീസിന്റെ സഹോദരങ്ങള്‍ ഹൈക്കോടതിയെ സമീപിച്ചിരുന്നു. എന്നാല്‍ വര്‍ഗീസിന് അതിനുള്ള അംഗീകാരം നല്‍കാനാവില്ലെന്നാണ് സര്‍ക്കാര്‍ കോടതിയെ അറിയിച്ചത്.

വര്‍ഗീസ് തട്ടിപ്പുകാരനായിരുന്നു എന്ന് ഇതേവരെയും ആരും പറഞ്ഞിട്ടില്ല. വയനാട്ടില്‍ നക്‌സല്‍ ബാരിയുടെ പാത പിന്തുടര്‍ന്നാണ് സി പി എം സ്ഥാനം ഉറപ്പിച്ചത്. വയനാട്ടെ സി പി എം പ്രവര്‍ത്തകര്‍ സര്‍ക്കാരിന്റെ പ്രസ്താവനയില്‍ അത്യന്തം വ്യാകുലരാണ്.

സര്‍ക്കാര്‍ ഇത്തരത്തില്‍ ഒരു സത്യവാങ്മൂലം സമര്‍പ്പിച്ച കാര്യം മുഖ്യമന്ത്രി അറിഞ്ഞിട്ടില്ലെന്നാണ് കേള്‍ക്കുന്നത്. സര്‍ക്കാരിനെ അട്ടിമറിക്കാന്‍ പോലീസിലും ആഭ്യന്തര വകുപ്പിലും ഒരു സംഘം പ്രവര്‍ത്തിക്കുന്നുണ്ടോ എന്ന സംശയം ഇതോടെ ബലപ്പെടുന്നു. നിരന്തരം പുറത്തു വരുന്ന പീഡന വാര്‍ത്തകളും സര്‍ക്കാരിന്റെ നിസഹായതയും ചര്‍ച്ച ചെയ്യപ്പെട്ടിട്ടും സര്‍ക്കാര്‍ നിഷ്‌ക്രിയമായി തുടരുകയാണ്. സര്‍ക്കാരില്‍ ഒന്നും നടക്കുന്നില്ല എന്ന പ്രതീതി ഇ തു വഴി സൃഷ്ടിക്കപ്പെടുന്നു.

റ്റി.പി.കേസിലെ കുറ്റവാളികളെ പുറത്തു വിടാനുള്ള തീരുമാനം പുറത്തു പോയതും ആഭ്യന്തര വകുപ്പിനു കീഴിലുള്ള ജയില്‍ വകുപ്പില്‍ നിന്നാണ്. തീരുമാനം പുറത്തു വന്നപ്പോള്‍ മാത്രമാണ് രഹസ്യ സ്വഭാവം നഷ്ടപ്പെട്ട കാര്യം സര്‍ക്കാര്‍ അറിഞ്ഞത്.

നയപരമായ തീരുമാനങ്ങള്‍ എടുക്കുമ്പോള്‍ മുഖ്യമന്ത്രി അറിഞ്ഞിരിക്കണമെന്നുണ്ട്. വര്‍ഗീസ് വധത്തെ ന്യായീകരിക്കുമ്പോള്‍ സര്‍ക്കാര്‍ മുന്‍ മുഖ്യമന്ത്രി കെ.കരുണാകരനെ പിന്തുണക്കുകയാണ് ചെയ്യുന്നത്