കേരള സര്വകലാശാലയില് പരീക്ഷ എഴുതി ജയിച്ചിട്ടും കാര്യമില്ല
കേരള സര്വകലാശാലയിലെ ഡിഗ്രി സര്ട്ടിഫിക്കറ്റ് വിതരണം മുടങ്ങി. വൈസ് ചാന്സലറും സിന്ഡിക്കേറ്റുമായുള്ള ഭിന്നതകള് രൂക്ഷമായതാണ് വിദ്യാര്ത്ഥികളെ പ്രശ്നത്തിലാക്കികൊണ്ടുള്ള അവസ്ഥയ്ക്ക് പ്രധാന കാരണം.
ഫെബ്രുവരിയില് സെനറ്റ് അംഗീകരിച്ച ബിരുദ സര്ട്ടിഫിക്കറ്റുകള്പോലും വിതരണത്തിന് തയ്യാറായിട്ടില്ല. ഇതോടെ പി.ജി പഠനത്തിനും ജോലിക്കും അപേക്ഷിച്ചവര് ആശങ്കയിലാണ്. ഇവരുടെ ഡിഗ്രി സര്ട്ടിഫിക്കറ്റ് നല്കുന്നതിന് ഫെബ്രുവരിയില് സെനറ്റ് അനുമതി നല്കിയിരുന്നു.
പക്ഷെ വൈസ് ചാന്സല് സര്വകലാശാല ഭരണ ചുമതലകളില് നിന്ന് അകന്നു നില്ക്കുന്നതിനാല് സര്ട്ടിഫിക്കറ്റുകള് തയ്യാറാക്കാന് കഴിയുന്നില്ല. ഇലക്ട്രോണിക്ക് ഒപ്പ് ഉള്പ്പെടെ ലഭ്യമാകണമെങ്കില് വിസി ഓഫീസില് ഉണ്ടാകണം. ഇതോട് കൂടി പരീക്ഷ എഴുതി ജയിച്ചിട്ടും കാര്യമില്ലെന്ന് മനസ്സിലാക്കുകയാണ് കേരള സര്വകലാശാലയിലെ ബിരുദ വിദ്യാര്ഥികള്.
മാര്ച്ച് 31 ന് മുന്പ് പൂര്ത്തിയാക്കേണ്ട പര്ച്ചേസുകളും മുടങ്ങി. ലക്ഷകണക്കിന് രൂപയാണ് ചെലവഴിക്കാതെ പാഴാകുന്നത്. ഇതിനും പുറമെയാണ് അക്കാദമിക്ക് കൗണ്സില് യോഗം വിസി മാറ്റിവെച്ചത്. മാത്രമല്ല സിന്ഡിക്കേറ്റ് രണ്ടുമാസത്തിലൊരിക്കല്മതിയെന്നും നിഷ്ക്കര്ഷിച്ചു. ഇതോടെ അടിയന്തിര പ്രാധാന്യമുള്ള വിഷയങ്ങള് പരിശോധിക്കുന്ന ഉപസമിതികളും കൂടുന്നില്ല.
സര്വകലാശാലയില് ജോലിചെയ്യണമെങ്കില്പോലീസ് സംരക്ഷണം വേണമെന്ന് വൈസ്ചാന്സലര് ഡോ.പി.കെ രാധാകൃഷ്ണന് ആവശ്യപ്പെട്ടിരിക്കുകയുമാണ്. സെനറ്റും സിന്ഡിക്കേറ്റും സര്വകലാശാലായൂണിയനും തനിക്കെതിരെ പ്രവര്ത്തിക്കുകയാണെന്ന പരാതി ഉനനനയിച്ചാണ് വിസി ഭരണച്ചുമതലകളില് നിന്ന് വിട്ടു നില്ക്കുന്നത്.
https://www.facebook.com/Malayalivartha
