കുടുംബ വഴക്കിനെ തുടര്‍ന്ന് ഭര്‍ത്താവ് ഭാര്യയെ ചവിട്ടിക്കൊന്നു. കൂവപ്പടി കൊടുവേലിപ്പടിയില്‍ വാടകക്ക് താമസിക്കുന്ന ജയരേഖയാണ് (38) കൊല്ലപ്പെട്ടത്. ശനിയാഴ്ച രാത്രി എട്ടിനാണ് സംഭവം.

വീട്ടില്‍ സൂക്ഷിച്ചിരുന്ന പണം അപഹരിക്കപ്പെട്ടെന്ന കാരണം ആരോപിച്ച് ഭര്‍ത്താവ് രമാകാന്തന്‍ ജയരേഖയെ മര്‍ദ്ദിക്കുകയായിരുന്നു. അടിവയറ്റില്‍ ചവിട്ടേറ്റ ജയരേഖയെ മകനും അയല്‍വാസികളും ചേര്‍ന്ന് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല. രമാകാന്തന്‍ മദ്യപിച്ചിരുന്നതായി നാട്ടുകാര്‍ പറയുന്നു.

തിരുവനന്തപുരം ശാസ്താംകുന്ന് സ്വദേശികളായ ഇവര്‍ നാലുമാസം മുമ്പാണ് കൊടുവേലിപ്പടിയിലെ മത്തായി കവലക്ക് സമീപം താമസം തുടങ്ങിയത്. പ്രതിയെ പെരുമ്പാവൂരില്‍വെച്ച് പൊലീസ് അറസ്റ്റ് ചെയ്തു.