ജഡ്ജിയെ സ്വാധീനിക്കാന് ശ്രമിച്ചതിനാല് അഭിഭാഷകന് നോട്ടീസ്
ഹൈക്കോടതി അഭിഭാഷകന് കെ. തവമണിക്ക് കാരണം കാണിക്കല് നോട്ടീസ്. ഹൈക്കോടതി ജഡ്ജിയെ സ്വാധീനിക്കാന് ശ്രമിച്ചെന്ന പരാതിയാണ് കേരള ബാര് കൗണ്സില് നോട്ടീസയച്ചത്. ജഡ്ജിയുമായി നടത്തിയ കൂടികാഴ്ച വിശദീകരിക്കണമെന്നും നോട്ടീസില് ആവശ്യപ്പെട്ടിരുന്നു. ബാര് ലൈസന്സി പുതുക്കുന്നതു സംബന്ധിച്ച ഹര്ജി പരിഗണിക്കുന്നതില് നിന്ന് ജഡ്ജി സി.ടി.രവികുമാര് പിന്മാറിയിരുന്നു. ഹൈക്കോടതി അഭിഭാഷകന് തവമണി വഴി ഹര്ജിക്കാര് തന്നെ സ്വാധീനിക്കാന് ശ്രമിച്ചതിനെ തുടര്ന്നാണ് പിന്മാറ്റമെന്ന് ജഡ്ജി വ്യക്തമാക്കുകയും ചെയ്തു. ഇത്തരവിലൂടെയാണ് രവികുമാര് ഇക്കാര്യം അറിയിച്ചത്. അഭിഭാഷകന്റെ നടപടി പെരുമാറ്റച്ചട്ടങ്ങളുടെ സംഘനമാണെന്നും നോട്ടീസ് ചൂണ്ടിക്കാണിക്കുന്നു.
അതേ സമയം ജഡ്ജിയുടെ ആരോപണം അഡ്വ.തവമണി ഇന്നലെ നിഷേധിച്ചിരുന്നു. ജഡ്ജിയുടെ വസതിയില് സൗഹൃദസംഭാഷണത്തിനാണ് പോയത്. കേസുമായി ബന്ധപ്പെട്ട് ആരെയും സ്വാധീനിക്കാന് ശ്രമിച്ചിട്ടില്ലെന്നും അദ്ദേഹം പറഞ്ഞു. 418 ബാറുകളുടെ ലൈസന്സ് പുതുക്കുന്നതുമായി ബന്ധപ്പെട്ട് 47 ഹര്ജികളാണ് രവികുമാറിന്റെ ബഞ്ച് പരിഗണിച്ചിരുന്നത്. ഹര്ജികളില് ഏപ്രില് 11 ന് വാദം പൂര്ത്തിയായിരുന്നു. കേസില് വിധി പറയാനിരിക്കെയാണ് ജഡ്ജിയുടെ പിന്മാറ്റം.
https://www.facebook.com/Malayalivartha
