ഫസല് വധക്കേസില് തുടരന്വേഷണം ആവശ്യപ്പെട്ടുള്ള ഹര്ജിയില് ഇന്നു വിധി
15 JUNE 2017 08:52 AM IST
മലയാളി വാര്ത്ത
തലശേരി ഫസല് വധക്കേസില് തുടരന്വേഷണം ആവശ്യപ്പെട്ടുള്ള ഹര്ജിയില് കൊച്ചി സിബിഐ കോടതി ഇന്നു വിധിപറയും. ഫസലിന്റെ സഹോദരന് അബ്ദുള്സത്താറാണു കേസില് തുടരന്വേഷണം ആവശ്യപ്പെട്ടു കോടതിയെ സമീപിച്ചിരിക്കുന്നത്. ഫസലിനെ കൊലപ്പെടുത്തിയതു താനുള്പ്പെട്ട സംഘമാണെന്ന ആര്എസ്എസ് പ്രവര്ത്തകന് സുബിഷിന്റെ വെളിപ്പെടുത്തലിന്റെ അടിസ്ഥാനത്തിലാണു സത്താര് കോടതിയ സമീപിച്ചത്.
ഫസലിനെ കൊലപ്പെടുത്തിയതിന്റെ വിശദാംശങ്ങള് സുബീഷ് പൊലീസിനോടു വെളിപ്പെടുത്തുന്ന ദൃശ്യങ്ങളും സത്താര് കോടതിയില് സമര്പ്പിച്ചിരുന്നു. എന്നാല് ഫസലിന്റെ സഹോദരനും സിപിഎം അനുഭാവിയുമായി അബ്ദുള് സത്താര് അന്വേഷണം വഴിതെറ്റിക്കാന് ശ്രമിക്കുന്നുവെന്നുമാണു സിബിഐയുടെ വാദം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
