സ്വകാര്യ ഫോട്ടോകള് കാണിച്ച് ഭീഷണിപ്പെടുത്തുമെന്ന് ഭയം; ബാലാവകാശ സംരക്ഷണ കമ്മീഷന് പരാതി നല്കി
നിലമ്പൂര് മേഖലയിലെ സ്കൂളില് പത്താം ക്ലാസ് വിദ്യാര്ഥിനിയുമായി സ്കൂളിലെ 45വയസ്സുകാരനായ അധ്യാപകന് മോശം ബന്ധം. മലപ്പുറം ചൈല്ഡ്ലൈന് അധികൃതര് സംസ്ഥാന ബാലവകാശ സംരക്ഷണ കമ്മീഷന് പരാതി നല്കി. വിദ്യാര്ഥിനിക്ക് 15 വയസ്സുമാത്രമാണ് പ്രായം. ഇതേ സ്കൂളിലെ മറ്റു അധ്യാപകര്ക്കും വിദ്യാര്ഥികള്ക്കും ഇക്കാര്യം അറിയമായിരുന്നുവെന്നും ചൈല്ഡ്ലൈന് നടത്തിയ അന്വേഷണത്തില് വ്യക്തമായി.
ദിവസങ്ങള്ക്കു മുമ്പു പെണ്കുട്ടിയേയും അധ്യാപകനേയും പെണ്കുട്ടി മുമ്പ് ട്യൂഷന് പഠിച്ചിരുന്ന ബില്ഡിംഗിന്റെ ഏറ്റവും മുകളിലത്തെ നിലയില്വെച്ചു സംശയാസ്പദമായ നിലയില് തനിച്ചു കാണുകയും നാട്ടുകാര് പിടികൂടുകയും ചെയ്തിരുന്നു. അതോടൊപ്പം തന്നെ സ്കൂളില് പലപ്രവാശ്യം സംശയാസ്പദമായ സാഹചര്യത്തില് കണ്ട ഇരുവരേയും താക്കീതു ചെയ്തിരുന്നതായും സ്കൂളിലെ പ്രാധാനധ്യാപകനും പറഞ്ഞു.
പെണ്കുട്ടിയുമായി സംസാരിക്കാന് അധ്യാപകന് മൊബൈല്ഫോണും വാങ്ങിച്ചു നല്കിയിരുന്നു. ചൈല്ഡ്ലൈനിന്റെ ടോള്ഫ്രീ നമ്പറായ 1098ലേക്കു വന്ന ഫോണ്കോളിന്റെ അടിസ്ഥാനത്തനാലാണു സംഭവം സ്ഥീകരിക്കാന് ചൈല്ഡ്ലൈന് അന്വേഷണം നടത്തിയത്. ഇരുവരും ഇതര മതസ്ഥരുമാണ്. അധ്യാപകന് കുട്ടിയെ പ്രലോഭിപ്പിക്കുന്ന രീതിയില് സംസാരിച്ചിരുന്നുവെന്നതായും ചൈല്ഡ്ലൈന് അധികൃതര്ക്ക് വിവരം ലഭിച്ചു.ഇതെ സ്കൂളിലെ ഒമ്പതാംക്ലാസില് പഠിക്കുന്ന പെണ്കുട്ടിയുടെ സുഹൃത്തുക്കള് വഴി പുസ്തകങ്ങളും സമ്മാനങ്ങളും പെണ്കുട്ടിക്കു സമ്മാനിക്കുകയും ചെയ്തിരുന്നു. എന്നാല് ഇരുവരും തമ്മിലുള്ള സ്വകാര്യ നിമിഷങ്ങള് അധ്യാപകന് ഫോട്ടോയെടുത്തിരുന്നതായും ഈഫോട്ടോള് ഉപയോഗിച്ചു അധ്യാപകന് ഭീഷണിപ്പെടുത്തുമോയെന്ന ഭയം പെണ്കുട്ടിക്കുണ്ടെന്നും ചൈല്ഡ്ലൈന് ബാലവകാശ സംരക്ഷണ കമ്മീഷന് നല്കിയ പരാതിയില് പറയുന്നു.
കുട്ടിയോടും രക്ഷിതാവിനോടും കൗണ്സിലിംഗിനെത്താന് ചൈല്ഡ്ലൈന് ആവശ്യപ്പെട്ടപ്പോള്തന്നെ അധ്യാപകന് നല്കിയ മൊബൈല് ഫോണും ഹാജരാക്കാന് നിര്ദ്ദേശിച്ചിരുന്നു. എന്നാല് ഫോണ്പരിശോധിക്കാന് പറ്റാത്ത തരത്തില് ഫോര്മാറ്റ് ചെയ്താണു ഇവര് ഹാജരാക്കിയതെന്നും ചൈല്ഡ് ലൈന് പറയുന്നു. പ്രായപൂര്ത്തിയാകാത്ത പെണ്കുട്ടിയുടെ ഭാവി കണക്കിലെടുത്ത് വിഷയം ഗൗരവമായി ഉള്ക്കൊണ്ടു ഉചിതമായ ഉത്തരവ് പുറപ്പെടുവിക്കണമെന്നും ചൈല്ഡ്ലൈന് ബാലവകാശ സംരക്ഷണ കമ്മീഷന് നല്കിയ പരാതിയില് പറയുന്നു.
https://www.facebook.com/Malayalivartha
