ഗായികയുമായി സ്ഥലം വിട്ട അച്ഛന് പെണ്‍കുട്ടികള്‍ ഒരു വീക്ക്‌നെസ് ആയിരുന്നുവെന്ന വാര്‍ത്തയാണ് ഇപ്പോള്‍ പുറത്തുവരുന്നത്. പള്ളിത്തോട് സെന്റ്‌സെബാസ്റ്റ്യന്‍സ് ചര്‍ച്ചിലെ അസിസ്റ്റന്റ് വികാരിയായ ബിബിന്‍ ബെഞ്ചമിനാണ് ക്വയര്‍ സംഘത്തിലെ ഗായികയെ വിവാഹം ചെയ്ത് ഇപ്പോള്‍ നാട് വിട്ടിരിക്കുന്നത്. ഇവര്‍ തൃശൂരില്‍ നിന്ന് മുംബൈയിലേക്ക് പോയെന്നാണ് സൂചന. ഈ കൊച്ചച്ചന് പോകുന്നിടത്തെല്ലാം പ്രണയങ്ങളുണ്ടായിരുന്നുവെന്നാണ് ഇപ്പോള്‍ ലഭിക്കുന്ന സൂചന.

പെണ്‍കുട്ടിയുമായി പ്രണയത്തിലായിരുന്ന ഇയാള്‍ മുന്‍പ് പൂങ്കാവ് പള്ളിയിലിരുന്നപ്പോള്‍ അവിടെയും ഒരു പെണ്‍കുട്ടിയുമായി അടുപ്പത്തിലായിരുന്നുവെന്നാണ് വിവരം. പിന്നീട് ക്വയര്‍ ഗായികയായ കാമുകിയും പഴയ കാമുകിയും ഈ കാര്യങ്ങള്‍ പരസ്പരം അറിയുകയും ചെയ്തു. അച്ചന്റെ രണ്ട് കാമുകിമാരും കാര്യങ്ങള്‍ പരസ്പരം അറിയുകയും പിന്നീട് ഈ രണ്ടപേരും ബിബിന്‍ ബെഞ്ചമിനെ അന്വേഷിച്ച് പള്ളിത്തോട് പള്ളിയിലെത്തുകയും പരസ്പരം ബിബിന് വേണ്ടി വാക്കേറ്റത്തിലേര്‍പ്പെടുകയും ചെയ്തു.

ഇരുവരേയും സമാധാനിപ്പിച്ച് പ്രശ്‌നം പരിഹരിക്കാന്‍ ബിബിന്‍ ശ്രമിച്ചെങ്കിലും നടന്നില്ല. കാര്യങ്ങള്‍ കൈവിട്ട് പോകുമെന്നായതോടെയാണ് ഇരുവരേയും കൊണ്ട് ആലപ്പുഴ ലത്തീന്‍ രൂപതയിലേക്ക് പോകാന്‍ ബിബിന്‍ തീരുമാനിച്ചത്. ഇതിനായി മൂന്നുപേരും കാറില്‍ പുറത്തേക്ക് ഇറങ്ങിയപ്പോള്‍ ഗായികയായ പെണ്‍കുട്ടിയുടെ വീട്ടുകാര്‍ പള്ളിയിലേക്ക് വന്നെങ്കിലും വാഹനം തടയാനായില്ല. വാഹനത്തില്‍ ഇവര്‍ അടിക്കുകയും ചെയ്തപ്പോള്‍ പ്രശ്‌നമാണെന്ന് മനസ്സിലാക്കി അച്ചന്‍ വാഹനം നിര്‍ത്താതെ പോവുകയും ചെയ്തു.

ആലപ്പുഴ രൂപതയിലെത്തിയപ്പോഴാണ് പൂങ്കാവ് ഇടവകയിലെ പെണ്‍കുട്ടി മറ്റൊരാളുമായി വിവാഹമുറപ്പിച്ചതാണെന്ന് മനസ്സിലാക്കിയത്. പിന്നീട് ഈ കുട്ടിയുടെ വീട്ടുകാര്‍ വന്ന് പെണ്‍കുട്ടിയെ കൂട്ടികൊണ്ട് പോയെന്നാണ് വിവരം. പിന്നീട് ക്വയര്‍ സംഘത്തിലെ പെണ്‍കുട്ടിയുമായി സംസാരിച്ച് പ്രശ്‌നങ്ങള്‍ പരിഹരിക്കാന്‍ ശ്രമിക്കുകയും ചെയ്തു. പ്രശ്‌നങ്ങളില്ലെന്നു പറഞ്ഞ് രൂപത ഓഫീസിന് പുറത്തേക്ക് ഇറങ്ങിയ പെണ്‍കുട്ടിയും അച്ഛനും നേരെ പോയത് ആലപ്പുഴ പൊലീസ് സ്റ്റേഷനിലേക്കായിരുന്നു. അവിടെ നിന്നും വനിത സെല്ലിലേക്ക് പോയി പരാതി നല്‍കുകയായിരുന്നു.

ബിബിനെതിരായ പരാതി സ്ത്രീ പീഡനത്തിനായിരുന്നുവെന്നാണ് പൊലീസ് പറയുന്നത്. പിന്നീട് സഭ വേണ്ട ഇടപെടല്‍ നടത്തി കൊച്ചച്ചനെ രക്ഷിക്കാന്‍ ശ്രമിച്ചെങ്കിലും അറസ്റ്റ് ഒഴിവാക്കാന്‍ കഴിയില്ലെന്ന നിലപാട് വന്നതോടെയാണ് വിവാഹം നടത്താനുള്ള തീരുമാനത്തിലേക്ക് എത്തിയത്. പിന്നീട് ളോഹ ഊരി ക്വയര്‍ ഗായികയെ വിവാഹം ചെയ്ത ബിബിന്‍ തൃശ്ശൂരേക്കും അവിടെ നിന്നും മുംബൈയിലേക്കും ഭാര്യക്കൊപ്പം പോയി എന്നാണ് വിവരം.