കൊച്ചി മെട്രോ യാത്രക്ക് ദാ ഈ കാര്ഡ് ഉപയോഗിക്കാം
കൊച്ചി മെട്രോയില് യാത്ര ചെയ്യുന്നവര്ക്ക് വേണ്ടി ഒരു സൂപ്പര് കാര്ഡ് ആണ് കെഎംആര്എല് അവതരിപ്പിച്ചിരിക്കുന്നത്. കാഴ്ചയില് എടിഎം കാര്ഡ് പോലുള്ള ഈ വിരുതനെ കൊണ്ട് മെട്രോയിലെ യാത്ര മാത്രമല്ല, മറ്റ് പലതും നടക്കും. കൊച്ചി വണ് കാര്ഡ് എന്നറിയപ്പെടുന്ന ഈ സംവിധാനം മെട്രോയുടെ സ്മാര്ട്ട് ടിക്കറ്റാണ്. ആക്സിസ് ബാങ്കുമായി ചേര്ന്നാണ് കെഎംആര്എല് കൊച്ചി വണ് കാര്ഡ് തയ്യാറാക്കിയിരിക്കുന്നത്. എന്തൊക്കെയാണ് ഈ സ്മാര്ട്ട് കാര്ഡിന്റെ ഉപയോഗങ്ങള് എന്നല്ലേ.
മെട്രോയില് യാത്ര ചെയ്യാം എന്നത് മാത്രമല്ല ഗുണം. ഇതുപയോഗിച്ച് ഹോട്ടലില് നിന്നും ഭക്ഷണം കഴിക്കാം, സിനിമ ടിക്കറ്റെടുക്കാം, ഷോപ്പിങ്ങ് നടത്താം അങ്ങനെ പലതുണ്ട് കാര്യങ്ങള്. ഈ കാര്ഡ് ഉപയോഗിച്ചാണ് ഷോപ്പിംഗ് നടത്തുകയോ സിനിമ കാണുകയോ ചെയ്യുന്നതെങ്കില് നിശ്ചിത ശതമാനം വിലക്കുറവും ലഭിക്കും. ബാങ്ക് അക്കൗണ്ടുമായി ബന്ധിപ്പ്ിച്ചും അല്ലാതെയും ഈ കാര്ഡ് ഉപയോഗിക്കാം. മൊബൈല് റീചാര്ജ് ചെയ്യുന്നത് പോലെയാണ് കൊച്ചി വണ് കാര്ഡിലെ പണം നിറയ്ക്കല്.
https://www.facebook.com/Malayalivartha
