പാണക്കാട്ടെ പച്ച പുലികള് ഓപ്പറേഷന് കുബേരയില് കുടുങ്ങി; പദ്ധതിയുടെ ഭാവി കണ്ടറിയാം!
ആഭ്യന്തരമന്ത്രി രമേശ് ചെന്നിത്തല ബ്ലേഡുകാരെ കുരുക്കാന് ആസൂത്രണം ചെയ്ത ഓപ്പറേഷന് കുബേരക്കെതിരെ ലീഗ് രംഗത്ത്. ലീഗിനു മാത്രമല്ല യു ഡി എഫിലെ ഘടകകക്ഷികള്ക്കെല്ലാം കുബേര പദ്ധതിയെക്കുറിച്ച് ധാരാളം പരാതിയുണ്ട്. ഓപ്പറേഷന് കുബേരയുടെ ഭാഗമായി വടകര എഎസ്പി, വനിതാലീഗ് നേതാവിന്റെ വീട്ടില് നടത്തിയ റെയ്ഡാണ് ഒടുവിലത്തെ വിവാദം. കൊയിലാണ്ടി മണ്ഡലം ലീഗ് പ്രസിഡന്റ് പറമ്പത്ത് കദീശയുടെ വീട്ടില് നിന്നും കുബേര സംഘം നിരവധി രേഖകള് പിടിച്ചെടുത്തു. പിടിച്ചെടുത്ത രേഖകളില് തുകയെഴുതാത്ത ചെക്കുകളും മുദ്രപത്രങ്ങളും വീടുകളുടെ ആധാരങ്ങളുമുണ്ട്. കദീശ കൊയിലാണ്ടിയിലെ പ്രമുഖ ബ്ലേഡ് മാഫിയാ സംഘാംഗമാണ്. കദീശയെ അറസ്റ്റ് ചെയ്യുമെന്ന് എഎസ്പി അറിയിച്ചു.
പയ്യോളി ഭാഗത്ത് വട്ടിപ്പലിശക്കാരായ വനിതകള് ഉണ്ടെന്ന രഹസ്യ സന്ദേശത്തെ തുടര്ന്നാണ് കദീശയുടെ വീട് പോലീസ് റെയ്ഡ് ചെയ്തത്. പ്രമുഖ ലീഗ് നേതാക്കള് കദീശ മുഖാന്തരം പണം പലിശക്ക് നലകുന്നുവെന്നായിരുന്നു പോലീസിന് ലഭിച്ച വിവരം. 100 രൂപയ്ക്ക് പ്രതിമാസം 10 രൂപയാണ് പലിശ നിരക്ക്. ഒരു ലക്ഷം രൂപ വായ്പ വാങ്ങിയാല് 1.20 ലക്ഷം തിരികെ നല്കണം. മുദ്രപത്രങ്ങളും ചെക്കുകളും വാങ്ങിയാണ് കദീശയുടെ നേതൃത്വത്തില് പണം പലിശക്ക് നല്കുന്നത്. പണം വായ്പ നല്കിയ ആളുടെ ഭാര്യയുടെ ചെക്കാണ് ഉറപ്പിനു വേണ്ടി വാങ്ങുന്നത്. തിരിച്ചടവില് വ്യത്യാസമുണ്ടായാല് ഭര്ത്താവിനേയും ഭാര്യയേയും പ്രതിയാക്കി കേസ് രജിസ്റ്റര് ചെയ്യും. സംസ്ഥാന ഭരണത്തിന്റെ ആനുകൂല്യത്തില് പോലീസിനെകൊണ്ട് കര്ശന നടപടിയെടുക്കാനും കദീശക്ക് കഴിയും. നിയമപരമായ മാര്ഗത്തിന് പോലും ഗുണ്ടാസംഘങ്ങളെ ഉപയോഗിച്ചും കദീശ പണവും പലിശയും ഈടാക്കും.
ലീഗിലെത്തും മുന്പ് കദീശ സിപിഎമ്മുകാരിയായിരുന്നു. കദീശയുടെ ബ്ലേഡ് പ്രവര്ത്തനം സിപിഎം അംഗീകരിക്കാതായതോടെയാണ് അവര് പാര്ട്ടി വിട്ട് ലീഗില് ചേര്ന്നത്. സംസ്ഥാനത്തെ ഒരു പ്രമുഖ ലീഗ് വനിതാ നേതാവിന്റെ ആശിര്വാദം കദീശക്കുണ്ട്. കൊയിലാണ്ടിയില് കദീശ മാത്രമല്ല ലീഗിന്റെ ഔദ്യോഗിക പലിശക്കാര്. കൊയിലാണ്ടി മുനിസിപ്പാലിറ്റിയിലെ ലീഗ് പ്രസിഡന്റ് കെ ഇബ്രാഹിമിന്റെ മകള് ആരിഫാ അബൂബക്കറെ ബ്ലേഡ് പ്രവര്ത്തനത്തിന്റെ പേരില് അടുത്തിടെ പോലീസ് അറസ്റ്റ് ചെയ്തിരുന്നു.
എന്നാല് താന് ബ്ലേഡ് റാണിയല്ലെന്നാണ് കദീശയുടെ നിലപാട്. പാവങ്ങളെ സഹായിക്കുകയാണത്രേ ലക്ഷ്യം. ഏതായാലും കദീശക്ക് വേണ്ടി പാണക്കാട്ടെ പുലികള് രംഗത്തെത്തി കഴിഞ്ഞു. അത് ഓപ്പറേഷന് കുബേരയിലെ ഓപ്പറേഷന് ടേബിളില് കിടക്കുമോ എന്ന് കണ്ടറിയാം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
